काभ्रे,
रोशी गाउँपालिकामा राष्ट्रिय परिचयपत्र छुट दर्ता अभियानमा ५ सय ४९ जनाले दर्ता गरेका छन् । यसअघि विविध कारणबस परिचयपत्र बनाउनको लागि दर्ता गर्न छुटेकाहरुलाई गाउँपालिकाले राष्ट्रिय परिचयपत्र छुट दर्ता अभियान सञ्चालन गरेको थियो । बैशाख २ गते रोशी गाउँपालिकाको वडा नं. ७ कटुञ्जेबेशीबाट राष्ट्रिय परिचयपत्र छुट दर्ता अभियान सञ्चालन भएको थियो । अभियान बैशाख १७ गते सम्पन्न भएको हो ।
यो अवधिमा वडा नं. १ मा ६५ जना, वडा नं. २ मा २६ जना, वडा नं. ३ मा ४५ जना, वडा नं. ४ मा ४७ जना, वडा नंं. ५ मा २१ जना, वडा नं. ६ मा ४५ जनाले दर्ता गराएका छन् ।
त्यसैगरि, वडा नं. ७ मा ३१ जना, वडा नं. ८ मा ५८ जना, वडा नं. ९ मा ४० जना, वडा नं. १० मा ५० जना, वडा नं. ११ मा ५४ जना, वडा नं. १२ मा १७ जना र गाउँपालिकामा ५० जनाले राष्ट्रिय परिचयपत्रको लागि दर्ता गराएका छन् ।
अभियान सञ्चालनको लागि जिल्ला प्रशासन कार्यालय काभ्रेबाट २ जना र गाउँपालिकाबाट २ जना गरि ४ जना कर्मचारी खटिएका थिए ।
