काभ्रे,
रोशी गाउँपालिकामा बाढीपीडित घरपरिवारको अस्थायी आवास निर्माण गर्न पहिलो किस्ता बापतको रकम निकासा सुरु भएको छ । गत असोज दोस्रो साता भिषण वर्षासंगै आएको बाढीपहिरोबाट पीडित ५४८ बाढीपीडित घरपरिवारको अस्थायी आवास निर्माण गर्न पहिलो किस्ताको रकम निकासा सुरु भएको हो । पहिलो किस्ता बापतको २५ हजार रकम सम्बन्धित लाभग्राहिको खातामा निकासा गर्ने कार्य भैरहेको हो ।
पहिलो किस्ता बापतको रकम सम्बन्धित लाभग्राहिको खातामा निकासा सुरु भईरहेको हुदाँ अझै खाता खोल्न बाँकी तथा अन्य समस्या भएमा सम्बन्धित वडा कार्यालय वा गाउँपालिकाको बिपद हेल्प डेस्कमा सम्पर्क गर्न पालिका अध्यक्ष दिनेश लामाले अनुरोध गर्नुभएको छ ।
