काभ्रे,रेडियो रोशी,
रोशी गाउँपालिको वडा नं. १० पूर्ण खोप सुनिश्चितता तथा दिगोपना वडा घोषणा भएको छ । हिजो बुधबार वडा सदस्य तिलकुमारी शाहिको अध्यक्षतामा एक कार्यक्रमको आयोजना गरेर वडालाई पूर्ण खोप सुनिश्चितता तथा दिगोपना वडा घोषणा गरिएको हो ।
वडाभित्र रहेका १६ देखि ५९ महिना सम्मका सबै बालबालिकाले राष्ट्रिय खोप तालिका अनुसार १५ महिना भित्रमा पाउनुपर्ने सबै खोपहरू प्राप्त गरेको सुनिश्चित भएपछि वडालाई पूर्ण खोप सुनिश्चिता तथा दिगोपना वडा घोषणा गरिएको हो । पुर्ण खोप सुनिश्चितता अभियानलाई दिगोपना कायम राख्न कार्यक्रममा उपस्थित सम्पुर्णले प्रतिबद्दता पत्रमा हस्ताक्षर गरेका थिए ।
कार्यक्रममा वडा सदस्य तिलकुमारी शाहि, वडा सचिव, उपस्वास्थ्य चौकी वाल्टिङ समितिका पदाधिकारी,स्वास्थ्य चौकी ईन्चार्ज, स्वास्थ्यकर्मीहरु तथा स्थानीयबासीहरुको सहभागिता रहेको थियो ।
