काभ्रे,
ट्रायल परीक्षा उत्तिर्ण गरेको एक वर्षसम्म पनि सेवाग्राहीले स्मार्ट लाइसेन्स पाउन नसक्दा सेवाग्राहीहरु हैरान भएका छन् । स्मार्ट लाइसेन्स नपाउँदा सेवाग्राही राजश्व तिरेको रसिद लिएर हिँड्न बाध्य भएका छन् । विभागका महानिर्देशक नारायणप्रसाद भट्टराईले लाइसेन्स छपाईका लागि थप मेशिन खरिद गर्न छलफललाई तीव्रता दिएको बताउनुभयो ।अहिलेसम्म ३० लाखभन्दा धेरै लाइसेन्स छापेर वितरण गरिसकेको यातायात व्यवस्था विभागले जनाएको छ । तर अझै सातदेखि आठ लाख सेवाग्राहीले ट्रायल पास गरे पनि लाइसेन्स पाएका छैनन् ।