रेडियो रोशी,काभ्रे,
पुर्ण रुपमा अबरुद्ध बनेको बीपी राजमार्ग खुलाउने कार्य सुरु भएको छ । असोज १८ र १९ गतेको वर्षापछि रोशी खोलामा आएको बाढीले बीपी राजमार्ग अन्तर्गत रोशीको चौकीडाँडामा डाइभर्सन बगाउँदा बिपि राजमार्गमा रुपमा अबरुद्ध बनेको थियो । बाढीले राजमार्गको क्षति भएको खण्डलाई अस्थायी रूपमा सञ्चालन गर्न चौकीडाँडामा डाइभर्सन गर्ने काम सुरु भएको हो ।
चौकीडाँडाबाट रोशी खोला डाइभर्सन गर्ने कार्य शुरु भएको रोशी गाउँपालिका अध्यक्ष दिनेश लामाले जानकारी दिनुभयो । खोलाको बहाव केही कम भएपछि सडक डिभिजन कार्यालय भक्तपुरले रोशी गाउँपालिका र नमोबुद्ध नगरपालिकाको समन्वयमा डाइभर्सन गर्न लागेको हो ।
क्षतिग्रस्त सडक यथाशीघ्र खुलाउने उद्देश्यका साथ रोशी, नमोबुद्ध र महाभारत गाउँपालिकाका जनप्रतिनिधिहरू, वडा अध्यक्षहरू, सडक विभागका इन्जिनियर, स्थानीय सरोकारवालाहरू बिच छलफल भएको थियो।
छलफलमा रोशी गाउँपालिकाका अध्यक्ष दिनेश लामा, नमोबुद्ध नगरपालिकाका नगर प्रमुख कुन्साङ लामा, महाभारत गाउँपालिकाका अध्यक्ष कान्छालाल जिम्बा र सडक डिभिजन कार्यालय भक्तपुरका इन्जिनियर दुर्गा प्रसादबीच चाँडोभन्दा चाँडो बीपी राजमार्ग खुलाउने र पुल निर्माणका लागि मेसिनरी सामानहरु, जनशक्ति तथा श्रोत साधनको अभाव भएमा सडक विभागले ब्यवस्थापन गर्ने सहमति भएको छ ।
