काभ्रे,
काभ्रेपलाञ्चोक जिल्लाको नमोबुद्ध नगरपालिकाका पुर्व नगर प्रमुख टिपी शर्मा तिमल्सिनाको निधन भएको छ । गत साउन १० गते नमोबुद्ध–२ स्थित बीस किलो भन्ने स्थानमा सवारि दुर्घटनमा परेर गम्भीर घाईते हुनुभएको शर्माको आज बिहान ४ बजे उपचारको क्रममा धुलिखेल अस्पतालमा निधन भएको हो । टाउकोमा गम्भीर चोट लागेको कारण उहाँको साउन १० गते नै आकस्मिकरुपमा शल्यक्रिया गरिएको थियो । त्यसपछी पनि उँहाको पुर्णरुपमा होस खुल्न सकेको थिएन । दुर्घटनास्थलमै बेहोस् हुनुभएको तिमल्सिनाको होस् नखुल्दै आज निधन भएको हो ।
नेकपा एमालेबाट २०७४ सालको स्थानीय निर्वाचनमा नमोबुद्ध नगरप्रमुख निर्वाचित तिमल्सिना पुर्व पत्रकार एवं साहित्यकार समेत हुनुहुन्थ्यो । शर्माको दाहसंस्कार आजै भकुन्डेवेसीस्थित जगवैज्यश्वर घाटमा हुने छ । दाहसंस्कार अघि बिहान ११ बजे शब यात्रा हुने बताईको छ ।
