काभ्रे,रेडियो रोशी,
रोशी गाउँपालिकाले पालिका भित्रका चारवटा महत्त्वपूर्ण सडक परियोजनाको स्तरोन्नति गर्नका लागि टेन्डर आह्वान गरेको छ। संघ र प्रदेशको समपुरक आयोजना अन्तर्गत सडकहरूको स्तरोन्नतिका लागि टेन्डर आह्वान गरीएको हो । प्रकाशित सूचना अनुसार, यी परियोजनाहरूका लागि इच्छुक कम्पनीहरूले विद्युतीय बोलपत्र प्रणाली (E–GP System) मार्फत रु. ३,००० को बोलपत्र कागजात शुल्क (Bid Document Fee) बुझाएर आफ्नो आवेदन पेश गर्न सक्नेछन्।
स्तरोन्नतिका लागि टेन्डर आह्वान भएका सडकहरू अन्तर्गत रोशी २ को नक्कले डाँडा चण्डीबेशी डाँडा मानेभञ्ज्याङ्ग काफलडाँडा नारायणटार सडक रहेको छ । यस सडकको स्तरोन्नतिका लागि भ्याट सहित रु. १,९०,००,००० (एक करोड नब्बे लाख) को अनुमानित लागत राखिएको छ। त्यस्तै यो कार्यको लागी चार लाख असी हजार बोलपत्र सुरक्षा रकम तोकिएको छ ।
त्यस्तै रोशी– ४ को साझाकोट सिग्देल माते सडक रहेको छ । यस परियोजनाको अनुमानित लागत रु. १,८४,६०,००० रहेको छ। यो कार्यको लागि पनि चार लाख असी हजार बोलपत्र सुरक्षा रकम तोकिएको छ ।
यस्तै रोशी– ५ को चौकीडाँडा खहरेपाँगु सडक रहेको छ । यो सडक स्तरोन्नतिका लागि रु. १,९२,३१,००० को अनुमानित लागत तोकिएको छ भने यो कार्यको लागि पाँच लाख बोलपत्र सुरक्षा रकम तोकिएको छ ।
त्यसैगरी रोशी– ११ को कालढुँङ्गा देउराली जुकेपानी सडक रहेका छन् । यस परियोजनाको अनुमानित लागत रु. १,८४,४२,००० रहेको छ। यो कार्यको लागि चार लाख असी हजार बोलपत्र सुरक्षा रकम तोकिएको छ ।
यी परियोजनाहरूको विस्तृत जानकारी र बोलपत्र सम्बन्धी अन्य नियम तथा सर्तहरू https://bolpatra.gov.np/egp मा उपलब्ध छन्। बोलपत्रका लागि आवेदन दिन चाहने कम्पनीहरूलाई थप जानकारीका लागि गाउँपालिकाको कार्यालय वा https://bolpatra.gov.np/egp मा सम्पर्क गर्न अनुरोध गरिएको छ।
