काभ्रे,
नमोबुद्ध नगरपालिका वडा नं ७ भकुण्डेबेशीमा अवस्थित श्री नव प्रतिभा अङ्ग्रेजी मा.वि मा यु.के.जी उतीर्ण भएका ४३ जना विद्यार्थीहरु दीक्षित भएका छन् । विद्यालयले आज यस वर्षको वार्षिक परीक्षाको नतिजा प्रकाशन तथा पुरस्कार वितरणका साथमा कक्षा यु.के.जी उतीर्ण भएर कक्षा एक मा पुगेका विद्यार्थीहरुलाई दीक्षित गरेको हो । दीक्षान्त समारोहबाट ४३ जना विद्यार्थीहरु दीक्षित भएर कक्षा एक मा पुग्न सफल भएका छन् ।
कार्यक्रममा स्वागत मन्तव्य राख्नुहुदै विद्यालयका सहायक प्रधानाध्यापक विवेक कुमार तामाङले नमोबुद्ध नगरपालिकामै उत्कृष्ट विद्यालयको रुपमा स्थापित यस विद्यालयलाई काभ्रे जिल्लाकै उत्कृष्ट विद्यालयको रुपमा स्थापित गराउन आफूहरु लागि परेको बताउनुभयो । कार्यक्रम विद्यालयका माध्यमिक तह प्रमुख शिक्षक मोहन खड्काले सञ्चालन गर्नु भएको थियो ।
