SEE उत्कृष्ट नतिजा हासिल गर्ने ३ विद्यार्थीलाई रोशीले ग¥यो नगद सहित सम्मान

यस वर्ष २०७९÷८० सालको SEE परीक्षामा उत्कृष्ट नतिजा हासिल गर्ने ३ विद्यार्थीहरुलाई प्रोत्साहन स्वरुप नगद सहित सम्मान गरेको छ । रोशी गाउँपालिकाभित्रका उत्कृष्ट नतिजा ल्याउने छात्र छात्राहरुलाई पालिकाले सम्मान गरेको हो । उत्कृष्ट नतिजा हासिल गर्ने हरिसिद्धि माध्यमिक विद्यालय रोशी ६ का छात्र प्रशान्त तामाङले ३.७० जि.पि.ए.,पोक्रा माध्यमिक विद्यालय रोशी ११ का छात्रा हिमानी थिङले ३.५५ र पोक्रा माध्यमिक विद्यालय रोशी ११ कै छात्रा संगीता रायले ३.५५ जि.पि.ए. ल्याएर उत्कष्टता हासिल गरेको रोशी गाउँपालिकाको प्रमुख प्रशासकिय अधिकृत रामबहादुर तामाङले जानकारी दिनुभयो । गाउँपालिकाले एक कार्यक्रमको आयोजना गरी उक्त विद्यार्थीहरुलाई जनही रु. ५० हजारको दरले तीनै जनालाई प्रोत्साहन स्वरुप वितरण गरिएको हो । रोशीगाउँपालिकाको अध्यक्ष दिनेश लामाको प्रमुख आतिथ्यताम ाउपाध्यक्ष मिमबहादुर वाईवा, प्रमुख प्रशाकीय अधिकृत रामबहादुर तामाङ, प्रवक्ता बसन्तकुमार तामाङ, वडा नम्बर ७का वडा अध्यक्ष अशोक गौतम, वडा नम्बर ११ का वडा अध्यक्ष लालकुमार पाख्रिन लगायतका व्यक्तित्वहरुको उपस्थिति रहेको थियो । गाउँपालिकाले यस अघि पनि उत्कृष्ट छात्र÷छात्राहरुलाई नगद सहित सम्मानगर्दै आएको प्रमुख प्रशासकिय अधिकृत रामबहादुर तामाङले जानकारी दिनुभयो ।