काभ्रे,
काठमाडौं उपत्यकामा फोहोर व्यवस्थापनको अवस्था झन विकराल बन्दै गएको छ । सडक छेउ र गल्लीगल्लीमा फोहोरको थुप्रो देखिनु सामान्य जस्तै हुँदा यसले उपत्यकालाई दुर्गन्धित बनाएको छ । गएको स्थानीय तह निर्वाचनमा पनि फोहोरको मुद्दालाई प्राथमिकतामा राखेर स्वतन्त्र उम्मेदवार बालेन्द्र साहले काठमाडौं महानगरको मेयर जितेका थिए । आफू नेतृत्वमा गएपछि उपत्यकाको फोहोरलाई वैज्ञानिक ढंगले ब्यवस्थापन गर्ने बाचा गरेका साह निर्वाचित भएको तीन महिना पुग्नै लाग्दा समस्या झन विकराल बन्दै गएको छ । साउन १ गतेबाट कुहिने र नकुहिने फोहोर छुट्टाछुट्टै दिन उठाउने निर्णय गरेको काठमाडौं महानगरले २८ दिन बित्दा पनि फोहोर उठाउन सकेको छैन् । जसका कारण फोहोरको दुर्गन्धनले मानव स्वास्थ्यमा असर पुर्याएको छ ।
