काभ्रे,
सरकारले डेङ्गी सङ्क्रमण नियन्त्रणका लागि बजेट निकासा गरेको छ । स्वास्थ्य सेवा विभागका अनुसार १ सय ३९ स्थानीय तहका लागि २ करोड ३३ लाख बजेट निकासा गरिएको छ त्यस्तै प्रदेश र ६६ वटा जिल्ला स्वास्थ्य कार्यालयका लागि ७५ लाख बजेट निकासा गरिएकोे छ । डेङ्गीको लार्भा खोज र नष्ट गर अभियान सञ्चालनका लागि स्थानीय सरकार, जिल्ला स्वास्थ्य कार्यालय र प्रदेशमा बजेट पठाइएको हो ।
महामारीका रुपमा फैलिन नदिन बजेट निकासा गरिएको इपिडिमियोलोजी तथा रोग नियन्त्रण महाशाखाका प्रमुख डाक्टर चुमनलाल दासले बताउनुभयो । उहाँले डेङ्गीको सङ्क्रमणबाट बच्न लामखुट्टेको वासस्थानहरू नष्ट गर्न समेत सर्वसाधारणलाई आग्रह गर्नुभएको छ गत २ महिनामा मात्रै नेपालमा ६१ जिल्लाका ११ सय बढि व्यक्तिमा डेङ्गीको सङक्रमण देखिएको छ ।
