काभ्रे,रेडियो रोशी,
रेडक्रस सोसाइटीले रोशी गाउँपालिकाका बाढी प्रभावित, प्रजनन योग्य, एकल महिलाहरु र किशोरीहरु लाई डिग्नीटी किट वितरण गरेको छ । आज गाउँपालिका अध्यक्ष दिनेस लामाको प्रमुख आतिथ्यतामा रेडक्रस सोसाइटीले महिलाहरुलाई डिग्नीटी किट वितरण गरेको हो ।
आज संयुक्त रास्ट्र जनसंख्या कोष युएनएफपिए को सहकार्य, रोशी गाउँपालिका र मंगलटार रेडक्रस उपशाखाको पहलमा नेपाल रेडक्रस सोसाइटी केन्द्रिय आपतकालिन पूर्वतयारी तथा प्रतिकार्य परीयोजना अन्तर्गत ६, ७ र ८ नम्बर वडाका बाढी पीडित तथा अति जोखीममा रहेका सीमान्तकृत वर्ग, बिपन्न , प्रजनन उमेर समुहका महिलाहरु , अपाङ्गता भएका र एकल १५१ जना महिलाहरुलाई डिग्नीटी किट वितरण गरीएको हो । पालिका भित्रका सबै वडाका बाढी प्रभावित क्षेत्रका सीमान्तकृत बर्ग, बिपन्न प्रजनन उमेर समुहका गर्भवती तथा सुत्केरी, अपाङ्गता भएका र एकल महिलाहरुलाई किट वितरण गरीने बताईएको छ ।
डिग्निटी किट भित्र महिलाहरुले प्रयोग गर्ने भित्रि बस्त्र, साडी, धोती, पेटिकोट, म्याक्सि, पछ्यौरा, तौलिया, सल, ज्याकेट, महिनावारी प्याड, चोलो, नुहाउने र लुगा धुने साबुन, नेल कटर, मन्जन ब्रस, सियो धागो, टर्च लाईट, काईयो, चप्पल, सेफ्टि पिन, र झोला रहेका छन् ।
कार्यक्रममा गाउँपालिका अध्यक्ष, उपाध्यक्ष, ६ र ७ नम्बर वडाका वडा अध्यक्ष, ११ नं. वडाका वडा अध्यक्ष, केन्द्रिय रेडक्रस संयुक्त रास्ट्रसंघीय जनसंख्या कोषका प्रतिनिधिहरु लगायतको सहभागिता रहेको थियो । कार्यक्रमको सभापतित्व नेपाल रेडक्रस सोसाइटी जिल्ला शाखा कार्यसमिति सदस्य तथा नेपाल रेडक्रस सोसाइटी मंगलटार उपशाखाका सभापति दामोदर श्रेष्ठले गर्नुभएको थियो । कार्यक्रमको सहजिकरण र समन्वय महिला पुनस्थापन केन्द्रले गरेको थियो ।
