काभ्रे,
रोशी गाउँपालिकाको कार्यालयमा आज स्वास्थ्य तथा जनसंख्या मन्त्रालय र रोशी रोशीगाउँपालिका बिच छलफल तथा समिक्षा वैठक सम्पन्न भएको छ । राष्ट्रियस्तरका नीति तथा कार्यक्रम लागू गरे÷नगरेको विषयमा छलफल तथा गत आर्थिक वर्ष २०७७÷६८ को वार्षिक कार्यक्रमको समिक्षा भएको स्वास्थ्य शाखाका सि.अ.हे.व. दिलरत्न शाक्यले जानकारी दिनुभयो ।
छलफलकाबीचमा गाउँपालिकाका उपाध्यक्ष मिमबहादुर वाईवा (ज्वाल) ले रोशीमा वार्षिक कार्यक्रमको साथसाथै नयाँ कार्यक्रम अन्तर्गत रोशी गाउँपालिकाले हाल पालिकाभरिका ६० वर्षभन्दा माथिका ज्येष्ठ नागरिकहरुको निःशुल्क स्वास्थ्य विमा कार्यक्रम सञ्चालन भइरहेको बताउनुभयो । त्यसैगरी प्रमुख प्रशासकिय अधिकृत रामबहादुर तामाङले स्वास्थ्यको क्षेत्रमा सञ्चालन भइरहेको कार्यक्रमका समस्या तथा चुनौती अन्तर्गत स्वास्थ्यको क्षेत्रमा कर्मचारीको अभाव तथा समायोजनको विषयमा धारणाहरु व्यक्त गर्नुभयो । स्वास्थ्य शाखा प्रमुख गंगालाल श्रेष्ठले वार्षिक कार्यक्रम अन्तर्गत रहेको सुत्केरी आमापोषिलो खाना, सुरक्षित मातृत्व कार्यक्रम अन्तर्गत निःशुल्क एम्बुलेन्स सेवा, रोशीका सबै वडाहरुमा स्वास्थ्य संस्थाको व्यवस्था, आँखाशिविर कार्यक्रम, स्त्रीरोग तथा ज्येष्ठ नागरिक शिविर कार्यक्रम, विद्यालय नर्स कार्यक्रम लगायत अन्य कार्यक्रमको समीक्षाको साथै उपलब्धिको बारेमा प्रष्ट पार्नुभयो ।
वैठकमा स्वास्थ्यतथा जनसंख्या मन्त्रालयका वरिष्ठ स्वास्थ्य प्रशासक डाक्टर गुणनिधि शर्मा, तथ्यांक अधिकृत मनोज ताम्राकार, अधिकृत सृजना अधिकारी र युएसएआइडिका पोषण सल्लाहकार राजन मन्डन बिच छलफल कार्यक्रम सम्पन्न भएको स्वास्थ्य शाखाका सि.अ.हे.व. दिलरत्न शाक्यले जानकारी दिनुभयो ।
