रोशी सहकर्मी–माघ १,
२०७६,काभ्रे/

इलाका प्रहरी कार्यालय बनेपाले अबैध रुपमा भन्सार छली गरेर बनेपामा बिक्री गरिरहेका ३० मोवाईल थान सहित दुई जनालाई पक्राउ गरेको छ ।
इलाका प्रहरी कार्यालय बनेपाका प्रहरी निरीक्षक योगेन्द्र तिमिल्सिनाले बनेपा नगरपालिका वडा न ८ मा रहेको ब्रर्दश मोवाईल पसलबाट २१ थान र एम.जी.आई मोवाईल सेन्टर पसलबाट नौ थान अबैध मोवाईल बरामद गरेको जानकारी दिनुभयो । उहाँले ब्रर्दश मोवाईलका सञ्चालक बनेपा नगरपालिका वडा न ९ बस्ने २२ बर्षीय सुनिल खनाल र एम.जी.आई मोवाईल सेन्टरका सञ्चालक बनेपा नगरपालिका वडा न २ का २६ बर्षीय सुदिप दाहाललाई नियन्त्रणमा लिइएको बताउनुभयो ।
बरामद गरिएका मोवाईल बजार मुल्यमा १७ हजार ६०० देखी एक लाख ६० हजार सम्मका रहेको प्रहरी निरीक्षक तिमिल्सिनाले जानकारी दिनुभयो । उहाँका अनुसार ३० थान मोवाईलको १० लाख १७ हजार पाँच सय बजार मुल्य रहेको छ ।
तिमिल्सिनाले बरामद भएका ३० थान मोवाईल र पक्राउ परेका दुई जनालाई आन्तरिक राजश्व विभागमा पठाइएको बताउनुभयो ।

Facebook Comments