काभ्रे,
पिन्थली युवा क्लबको आयोजनामा सञ्चालित रोशी कप फुटबल प्रतियोगिता २०७९ को सेमिफाईनल खेल सम्पन्न भएको छ । आज रोशी गाउँपालिका १० र सुनकोशी गाउँपालिका १ बिच प्रतिस्पर्धा भएको थियो । प्रतिस्पर्धामा निर्धारित समयसम्म दुबै टिमले १,१ गोल गरेपछि पेनाल्टी सुटआउट गरिएको थियो । पेनाल्टीमा रोशी १० ले ४ गोल गर्दा सुनकोशी १ ले ३ गोल गरेको छ । यस पेनाल्टी संगै आजको सेमिफाईनल खेलमा रोशी १० बिजयी भएको छ ।
प्रतियोगिताको फाईनल खेल भोलि हुने छ । फाईनल खेलमा रोशी १० र रोशी ९ बिच प्रतिस्पर्धा हुने पिन्थली युवा क्लबका सल्लाहकार बिकाश दोङले जानकारि दिनुभएको छ ।
