काभ्रे,
मंसिर ४ गते हुने प्रतिनिधि र प्रदेश सभाका लागि काभ्रेमा ६७ जनाले उम्मेदवारी दर्ता गराएका मध्ये हालसम्म दुई जना उम्मेदवारले उम्मेदवारी फिर्ता गरेका छन् । नेकपा (एकीकृत समाजवादी) काभ्रेका अध्यक्ष बसुन्धरा हुमागाईँ र प्रतिनिधि सभा निर्वाचन क्षेत्र नम्बर १ का स्वतन्त्र उम्मेदवार निमा बल तामाङले उम्मेदवारी फिर्ता लिनुभएको हो । नेकपा (एकीकृत समाजवादी) काभ्रेका अध्यक्ष बसुन्धरा हुमागाईँले मुख्य निर्वाचन अधिकृतको कार्यालयमा उम्मेदवारी फिर्ता लिनुभएको हो । अध्यक्ष हुमागाईँले काभ्रे प्रतिनिधि सभा निर्वाचन क्षेत्र नम्बर २ अन्तर्गत प्रदेश निर्वाचन क्षेत्र नम्बर २ मा उम्मेदवारी दिनुभएको थियो । त्यसैगरि , स्वतन्त्र उम्मेदवार लामाले बागमती प्रतिनिधि सभा निर्वाचन क्षेत्र नम्बर १ का लागि उम्मेदवारी दिनुभएको थियो ।
मंसिर ४ गते हुने प्रतिनिधि र प्रदेश सभाका लागि ६७ जनाले उम्मेदवारी दर्ता गराएका छन् । प्रतिनिधिसभा तथा प्रदेशसभा निर्वाचनका लागि काभ्रेमा ६ जनाका लागि दल र स्वतन्त्र गरी ६७ जनाको उम्मेदवारी परेको मुख्य निर्वाचन कार्यालय धुलिखेलले जनाएको छ ।
