वडा सचिवको मृत्युप्रति नमोबुद्ध नगरपालिकाले ५ गते आईतबार शोक विदा दिने

रोशी सहकर्मी–माघ ४,
२०७६,नमोबुद्ध/
नमोबुद्ध नगरपालिकाले वडा नं ९ का वडा सचिवको मृृत्यु प्रति माघ ५ गते आईतबारका दिन शोक विदा दिने निर्णय गरेको छ । नगरपालिकाले एक विज्ञप्ती निकाल्दै यस दिन नमोबुद्ध नगरपालिकाको कार्यलय तथा मातहतका सरकारी कार्यलयहरु बन्द हुने भनिएको छ । विज्ञप्तीमा नमोबुद्ध नगरपालिका कार्यलयको स्थापनाकाल देखिनै वडा नं ९ को वडा सचिवमा कार्यरत श्रीराम सत्यालको शनिबार करिव १२ः३० बजे रुखबाट खसेर निधन भएकोमा शोक सन्तप्त परिवारजन प्रति धैर्यधारण गर्ने शक्ति प्राप्त होस भनि कामना गरिएको छ । कार्यलयहरु बन्द हुँदा यसबाट पर्नजाने अशुविधाप्रति सम्पूर्णमा नगरपालिका क्षमा प्रथि छ भनिएको छ ।