काभ्रे,
काभ्रे प्रतिनिधि सभा निर्वाचन क्षेत्र नम्बर २ मा लोकतान्त्रिक गठबन्धनका साझा उम्मेदवार नेपाली कांग्रेसका नेता शिव प्रसाद हुमागाईंले विकास निर्माणमा अनुकरणीय काम गर्ने प्रतिबद्धता ब्यक्त गर्नुभएको छ । नेपाली कांग्रेस भुम्लु गाउँपालिका कार्य समितिले आज आयोजना गरेको उम्मेदवार भेटघाट कार्यक्रमलाई सम्बोधन गर्दै उहाँले आफु भुम्लु गाउँपालिकाको लागि नयाँ अनुहार नरहेको बताउँदै विकास निर्माणमा अनुकरणीय काम गर्ने बताउनुभएको हो । आफु भुम्लुका जनताको लागि नयाँ अनुहार नभएको बताउदै आफ्नो नेतृत्वमा भुम्लु गाउँपालिकाको विभिन्न ठाउँमा विकास निर्माणको काम भएको बताउनुभयो ।
यसैबिच, हुमागाईंले एक मनका साथ निर्वाचन परिचालनमा कुनै कमी हुन् नदिन आग्रह गर्नुभएको छ ।आज नेपाली कांग्रेस मण्डनदेउपुर नगर कार्यसमितिले आयोजना गरेको निर्वाचन बैठकलाई सम्बोधन गर्दै उहाँले संसदीय निर्वाचन पार्टीको जस्तो नभएको भन्दै आन्तरिक तिक्तता कुनै पनि हालतमा देखिन नहुने बताउनुभएको छ ।
नेता हुमागाईंले विपक्षीबाट विकासको पप्रोपकाण्ड मच्चाउन सक्ने तर्फ पनि सजग गराउनुभएको छ । नेपाली कांग्रेस र हाल गठबन्धनमा रहेका उम्मेदवारको पहलमा मण्डनदेउपुर नगरपालिकामा विकास योजना सम्पन्न भएको एवं कयौँ योजना प्रारम्भ भएको बताउदै उँहाले मतदाताहरुलाई विपक्षीको भ्रममा नपर्न अपिल गर्नुभएको छ ।
