काभ्रे,
पाँचखाल बृहत् खानेपानी आयोजनाको काम समयमै सक्न मुस्किल देखिएको छ । सात हजार व्यक्तिलाई खानेपानी पु¥याउने लक्ष्यका साथ सुरु गरिएको पाँचखाल बृहत् सहरी खानेपानी तथा सरसफाइ आयोजना थपिएको समयमा पनि सम्पन्न हुन नसक्ने देखिएको छ । निर्माण व्यवसायी कम्पनीले तीन वर्षदेखि काममा आलटाल गरेका कारण आयोजनाको काम अधुरै छ । नगरका सात हजार नागरिकका घरमा खानेपानी पु¥याउने लक्ष्यका साथ आयोजनाको सुरु गरीएको थियो । परियोजनाको काम २०७९ पुसभित्र सक्नुपर्ने गरी सम्झौता भएको थियो । निर्माण कम्पनीले सामग्री अभावले समयमै काम सम्पन्न गर्न नसक्ने जनाएपछि १० महिना समयावधि थप गरीएको थियो ।
खानेपानी आयोजनासँग सम्झौता गरेको निर्माण कम्पनी हुवाइ कन्काई जेभीका परियोजना व्यवस्थापक इन्द्रमानसिं बस्नेतले परियोजना सञ्चालकले आवश्यक सामग्री नल्याउँदा, सम्झौताअनुसार जनशक्तिलाई परिचालन गर्न नसक्दा काममा ढिलाइ भएको बताउनुभयो । नगरको १३ मध्ये १० वडाका लागि खानेपानी आयोजना सञ्चालनार्थ रु. एक अर्ब ३४ करोड ६६ लाखमा उक्त निर्माण कम्पनीसँग सम्झौता भएको थियो ।
