काभ्रे,
भोलिको प्रदर्शनलाई लक्षित गर्दै काभ्रे जिल्लाको मुख्यमुख्य नाकाहरुमा सुरक्षा व्यवस्था कडा पारिएको छ । भोलि एकै दिन राष्ट्रिय युवा संघ र मेडिकल ब्यवसायी दुर्गा प्रसाई समूहबाट हुन लागेको प्रदर्शनलाई ध्यानमा राखेर काभ्रेभञ्ज्याङ, साँगा भकुण्डबेशी , मंगलटार, दोलालघाट, तामाघाट लगायतका नाकाहरुमा सुरक्षा व्यवस्था कडा पारिएको हो । यी नाकाहरु हुँदै गुड्ने गाडीहरुमा चेकजाँच सहित आवश्यक शान्ति सुरक्षाका लागी सबै संयन्त्र परिचालन गरिएको छ ।
भोलि विहिबार नेकपा एमाले निकट युवा संघ र मेडिकल व्यवसायी दुर्गा प्रसाईंको नेतृत्वको समूहले काठमाडौंको तीनकुने र बल्खुमा प्रदर्शन गर्दैछन् । दुर्गा प्रसाईं नेतृत्वलको ‘राष्ट्र, राष्ट्रियता, धर्म, संस्कृति र नागरिक बचाउ’ महाअभियान अन्तर्गत शक्ति प्रदर्शन हुँदैछ भने युवा संघले आफ्नो कार्यक्रमलाई ‘मूल्यवृद्धि, भ्रष्टाचार, जातीय सद्भाव र जुनसुकै अराजकताविरुद्ध’को प्रदर्शन भनेको छ ।
