काभ्रे,
तेमाल गाउँपालिका–३ चेप्टेढुंगामा आयोजना गरिएको बज्र गुरु बिश्व शान्ति पुजा सम्पन्न भएको छ । चेप्टेढुंगा नामग्याल दर्गे मणि छोक्पा परिवारको आयोजना, तेमाल गाउँपालिकाको विशेष सहयोग तथा वडा नं ३ को समन्वयमा गत कार्तिक २९ गते बुधबार बाट शुभारम्भ गरिएको पुजाको आज गाउँपालिका अध्यक्ष चन्द्र बहादुर तामाङको प्रमुख आतिथ्यतामा सम्पन्न भएको हो । सिक्किमबाट श्रद्धय धर्म गुरु डुब्पेन लामा थुप्तेन येशे रिम्पोछेको समुहबाट आज दोमाङ, वाङ तथा प्रवचन गरेर पुजा सम्पन्न गरिएको हो ।
अकालमै ज्यान गुमाएकाहरु तथा सम्पुर्ण गाउँपालिका भित्रका नागरीकहरुको शान्तीको लागि बज्र गुरु बिश्व शान्ति पुजा गरिएको अध्यक्ष बिस्णु बहादुर तामाङले बताउनुभयो । पुजा समापनको अवसरमा सहयोगि दाताहरुलाई सम्मान पत्र द्धारा सम्मान गरिएको वडा अध्यक्ष तामाङले जानकारी दिनुभयो । समापन कार्यक्रममा उपाध्यक्ष दलमान थोकर, बिभिन्न वडाका वडा अध्यक्षहरु , भक्तजनहरु लगायतकोे उपस्थिति रहेको थियो ।
