रोशी सहकर्मी–साउन १४,
२०७७, रामेछाप/

भूकम्पले क्षति पु¥याएका निजी आवासको पुननिर्माणका लागि रामेछाप जिल्लामा खटिएका प्राविधिकहरु धमाधम कारवाहिमा पर्न थालेका छन् । खटाएको क्षेत्रमा नबस्ने, विदा स्वीकृत नगराई आफु खुसी हिड्ने, जनप्रतिनिधिलाई झुक्याउने, अन्यत्र रहेको बेला वडामा छु भन्ने जस्ता गलत क्रियाकलाप गर्ने प्राविधिकहरु कारवाहीमा पर्न थालेका हुन । आयोजनाबाट १ दर्जन भन्दा बढी प्राविधिक यसै साता कारवाहिमा परेका छन् । कारवाहिमा परेका प्राविधिकहरुलाई अब आयोजनाले कामकाज लगाउने छैनन् ।

जिल्ला आयोजना कार्यान्वयन इकाईका आयोजना प्रमुख गणेश अर्यालका अनुसार नियमित वडामा रहेर काम गर्दै आएका बाहेकका प्राविधिकहरुलाई श्रावण देखि करार संझौता नविकरण नहुने बताएका छन । कारवाहि स्वरुप करार संझौता नहुने प्राविधिक बाहेक अरुलाई ३ दिन भित्र सम्बन्धित वडामा पुगेर जनप्रतिनिधिको रोहवरमा उपस्थित भएको जनाउ दिन निर्देशन दिइएको अर्यालले वताएका छन् ।

विगतमा वडाले गरेको हाजिरी प्रमाणितका आधारमा तलव भत्ता भुक्तानी दिदै आएको आयोजनाले अव हाजिरी आएकै भरमा तलब नदिने निती पनि अख्तियार गरेको छ । केहि वडाबाट फर्जी हाजिरी आएपछि त्यस कार्यमा कडाई गरीएको हो । रामेछापका स्थानीय तहहरुमा झण्डै १ सय ५० जना भन्दा बढी प्राविधिक निजी आवासको लागि कामकाज गर्दै आएका छन् ।

Facebook Comments Box