रोशी सहकर्मी–साउन १३,
२०७७,काभ्रे/

जिल्लाको धुलिखेलमा रहेको शान्ति जन आदर्श सेवा केन्द्रले पनौती नगरपालिकाको वडा नं ७ त्रिवेणीघाटमा रहेको प्राणनाथ माईती बृद्ध आश्रममा राहत वितरण गरेको छ । आज एक कार्यक्रमका बिच शान्ती जन आर्दश सेवा केन्द्रका अध्यक्ष शंखबुद्ध लामाले आश्रमका अध्यक्ष रघुनाथ तिमल्सिनालाई राहतको प्याकेज हस्तान्तरण गरिएको हो ।

केन्द्रले सि.आर.एस को सहयोग र पनौती नगरपालिकाको समन्वयमा बृद्ध आश्रममा राहत वितरण गरेको हो । यस अघि आज बिहान संस्थाले पनौती वडा नं ८ मा रहेको बाल गृहमा समेत राहत हस्तान्तरण गरिएको थियो । वितरण कार्यक्रममा संस्थाको सचिव राजेन्द्र अधिकारी, कर्मचारीहरु लगायतको उपस्थिती थियो ।

शान्ति जन आदर्श सेवा केन्द्रले कोभिड १९ प्रतिकार्य कार्यक्रम अन्तर्गत पनौती नगरपालिकाको १२ वटा वडामा रहेका बिपन्न परिवारहरुलाई १६ प्रकारको राहत प्याकेज बितरण गरिएको संस्थाको अध्यक्ष लामाले जानकारी दिए । त्यसैगी संस्थाले पनौतीका बृद्ध आश्रम र बाल गृहमा पनि राहत बितरण गर्दै आएको छ ।

यस अघि शान्ति जन आर्दश सेवा केन्द्रले पनौती नगरपालिकाको कार्यलय, १२ वटै वडाहरु साथै नगरपालिकाले स्थापना गरेको क्वारेन्टाईनहरुमा १८ ओटा हात धुने स्टेसन (आधुनिक धारा) समेत जडान गरिसकेको छ । पनौती साथ साथै संस्थाले रोशी गाउँपालिका कार्यलय, तेमाल गाउँपालिका कार्यलयमा समेत हात धुने स्टेसन स्थापना गरिसकेको छ । संस्थाका अध्यक्ष लामाका अनुसार आगामि दिनमा थप राहत र कोभिड १९ प्रतिकार्य कार्यक्रमलाई निरन्तर्ता दिने र अन्य स्थानिय तहहरुमा पनि सहयोग गर्दै जाने बताए ।

Facebook Comments