रोशी सहकर्मी–माघ १६,
२०७६, खार्पाचोक/

रोशी गाउँपालिका वडा नम्बर ८ खार्पाचोकमा बिशाल बुद्धको मुर्ति रहने बुद्ध पार्कको शिलान्यास भएको छ । २८५६ औं जिवा (मुसा) ल्हो सोनाम ल्होछारको अवसरमा आयोजित वृहत् सांस्कृतिक तथा बुद्धपार्क शिलान्यास कार्यक्रमका बिच प्रतिनिधि सभा सांसद बाहादुर सिं लामाले सो पार्कको शिलान्यास गरेका हुन् ।
खार्पाचोक युवा क्लबका अध्यक्ष लाल बहादुर घिसिङका अनुसार पार्कको शिलान्यास सँगै निर्माण कार्य तिव्र रुपमा हुने छ । करीब ४६ लाख लाग्ने अनुमान गरिएको यस बुद्ध पार्कका लागी वडा नं ८ ले ५ लाख बजेट बिनियोजन गरेको छ । मुख्य तय खार्पाचोक युवा क्लवको अगुवाईमा सम्पन्न हुने यस पार्कको निमित्त क्लवले व्यक्ति, बिभिन्न संघ संस्थाबाट सहयोगको अपेक्षा राखेको अध्यक्ष घिसिङले रेडियो रोशीलाई बताए ।
पार्कमा बुद्धको मुर्ति सँगै तामाङ संस्कृति झल्कने कलात्मक बस्तुहरु, बगैँचा, विभिन्न धर्म सँग सम्बन्धित बस्तुहरु राखिने छ ।

नेपाली काँग्रेसका कन्द्रीय सदस्य तथा प्रतिनिधि सभा सदस्य बहादुर सिं लामाको प्रमुख आतित्थ्यता रहेको कार्यक्रम वडा अध्यक्ष मिकास जित लामाको सभापतित्वमा सम्पन्न भएको हो । कार्यक्रममा पूर्व साँसद तिर्थ लामा, रोशी गाउँपालिकाका प्रमुख डि.बि. मोक्तान, गाँउपालिका उपाध्यक्ष लक्ष्मी कुमारी बर्तौला, गाँउपालिका प्रवक्ता पदम बहादुर लामा, प्रमुख प्रशासकिय अधिकृत डम्बरु दाहाल, नेपाल तामाङ युवा घेदुङ संघका केन्द्रिय अध्यक्ष बिलाम मुक्तान, उपाध्यक्ष संगम लामा, विभिन्न संघ संस्थाको विशेष व्यक्तिहरूले मन्तव्य राखेका थिए ।
बुधबार भएके कार्यक्रममा विभिन्न साँस्कृतिक झाँकीहरूको प्रदर्शन तथा कलाकारहरूको प्रस्तुतिहरू रहेको थियो ।

Facebook Comments Box