काभ्रे,
रोशी गाउँपालिका ११ भिमखोरीमा माने बिगुर खानेपानी योजना सम्पन्न भएको छ । बिकाश बेल्जीयम र सा चामो स्पोर फ्रान्सको सहयोगमा आज स्वच्छ खानेपानीको उद्घाटन भएको हो । बिकास बेल्जियम को रु ४० लाख फ्रान्सको रु ४० लाख सहयोगमा उक्त खाने पानी योजना सम्पन्न भएको माने बिगुर खानेपानी उपभोक्ता समितिको सचिब राम लामाले जानकारी दिनु भयो । उक्त खानेपानी आयोजनाबाट ७६ घरधुरी लाभान्वित भएको सचिब राम लामाले जानकारी दिनु भएको छ ।

कार्यक्रमको प्रमुख अतिथी बेल्जियमको लागि नेपालको कन्सुलर आङ छिरिङ शेर्पाले बेल्जियम सरकारले नेपालको निम्ति शिक्षा, खानेपानी तथा बाताबरणिय क्षेत्रमा सहयोग गर्दै आएको बताउनु भयो । त्यसैगरि बिकाश बेल्जियमको अध्यक्ष बेटिले यस भिमखोरीमा महिलाहरुले गाग्रीमा पानी बोकेर ओसार्नुपर्ने समस्यालाइ मध्यनजर गरेर यस खानेपानी आयोजनाको निम्ति सहयोग गरेको बताउनुभयो । साथै उनले नेपाल प्राकृतिक श्रोत साधन तथा यहाको नागरिकको हसिलो मुहारमा यस योजनाले थप खुशि छाएको बताउनुभयो । साथै आगामी दिनमा रोशी सरकारसङ्ग समन्वय गरेर अन्य कामहरुमा पनि सहयोग गर्ने बताउनु भयो ।
त्यसैगरी रोशी गाउपालिका अध्यक्ष दिनेश लामाले मानिसको आधारभूत आबश्यकता मध्य खानेपानी पनि एक महत्त्वपूर्ण पक्ष भएको हुदा दातृ निकायमा हार्दिक आभार ब्यक्त गर्नु भएको छ । खानेपानीको अभावमा गुज्रिरहेको अन्य स्थानमा पनि दातृ निकायको दृस्टी पुगोस भन्ने आग्रह गर्नु भएको छ । पालिका उपाध्यक्ष मिम बहादुर वाइबा ज्वालाले नेपाल सरकारको एक घर एक धारा अभियानलाई सार्थक्ता दिन सहयोग गर्नु भएकोमा हार्दिक धन्यबाद ब्यक्त गर्नु भएको छ ।
बिगतका दिनमा घर घरमा खानेपानी नहुदा गाग्रीमा बोकेर पानी खानु पर्ने बाध्यता रहेकोमा हाल उक्त समस्याबाट मुक्त भइ खाने पानी मात्र नभइ कृषी र पशुपालनमा पनि सहयोग भएको स्थानीय बासी दिलरुपा रायमाझीले बताउनुभयो ।