काभ्रे, रेडियो रोशी,
युनिभर्सल डेन्टल हस्पिटलले रोशी–७ स्थित श्री रोशी माध्यामिक विद्यालयका बिद्यार्थीहरु तथा बिद्यालयका शिक्षकलाई न्यानो स्वीटर वितरण गरेको छ ।
विद्यालयमा आज गाउँपालिका अध्यक्ष दिनेस लामाको प्रमुख आतिथ्यता एवं विद्यालयका प्र.अ रामसरण सिग्देलको सभाध्यक्षतामा हस्पिटलले बिद्यालयको बाल कक्षा देखि १२ कक्षा सम्मका बिद्यार्थी र शिक्षकलाई न्यानो स्वीटर वितरण गरेको हो ।
युनिभर्सल डेन्टल हस्पिटलका प्रोपाईटर तथा विद्यालयकै पुर्व बिद्यार्थी मंचका अध्यक्ष समेत रहनुभएका राजन लामाले विद्यालयका २६० भन्दा बढि बिद्यार्थीहरु र बिद्यालयका शिक्षकहरुलाई न्यानो स्वीटर वितरण गर्नुभएको विद्यालयका प्र.अ सिग्देलले रेडियो रोशीलाई जानकारी दिनुभयो ।
कार्यक्रमलाई सम्बोधन गर्नुहुदै गाउँपालिका अध्यक्ष दिनेस लामाले बिपद्को कठिन परिस्थितिको सामना गरिरहेको पालिकाभित्रका बिद्यालयलाई न्यानो स्वीटर वितरण गरीएको प्रति युनिभर्सल डेन्टल हस्पिटलप्रति धन्यबाद ज्ञापन गर्नुभएको छ । उहाँले बिपद्का सामना गरीरहेको यस पालिकामा अझै यस्ता सहयोगि संस्थाहरुले जुन जुन क्षेत्रमा सहयोग गर्न सकिन्छ त्यहि क्षेत्रमा सहयोग गर्न आव्हान समेत गर्नुभएको छ । जाडोको समय सुरु हुनै लाग्दा हस्पिटलले गरेको यसप्रकारको सहयोग महत्वपुर्ण रहने अध्यक्ष लामाले बताउनुभयो ।
यस्तै वडा नं. ७ का वडाअध्यक्ष अशोक कुमार गौतमले बिपद्को समयमा युनिभर्सल डेन्टल हस्पिटलले गरेको सहयोग प्रशंसनिय रहेको बाताउनुभयो ।
यसैगरी ंविद्यालयका प्र.अ रामसरण सिग्देलले रोशी मावि अब्बल र अझै राम्रो बन्नको लागि विद्यालयका पुर्व बिद्यार्थीहरुको भुमिका महत्वपुर्ण रहने बताउनुभयो । जहा पुर्व बिद्यार्थीहरु सक्रिय रहन्छन त्यहा मात्र ंविद्यालयको चौतर्फि विकास सम्भव हुने प्र.अ सिग्देलको भनाई छ ।
विद्यालयका पुर्व बिद्यार्थी मंचका अध्यक्ष एवं युनिभर्सल डेन्टल हस्पिटलका प्रोपाईटर लामाले ंविद्यालयलाई माया गरेर बिद्यार्थीहरु र शिक्षकलाई न्यानो स्वीटर वितरण गरेकोमा धन्यबाद ज्ञापन गर्नुभएको छ । प्र.अ सिग्देलले आगामि दिनहरुमा पनि युनिभर्सल डेन्टल हस्पिटलको साथ र सहयोगको अपेक्षा गर्नुभएको छ ।
आफुले अध्ययन गरेको विद्यालयमा सहयोग गर्न पाउँदा निकै खुसि लागेको युनिभर्सल डेन्टल हस्पिटलका प्रोपाईटर एवं विद्यालयका पुर्व बिद्यार्थी मंचका अध्यक्ष राजन लामाले बताउनुभयो ।
सबैजनाले आफ्नो ब्यक्तिगत स्वार्थलाई त्यागेर सामाजिक सेवाको भाव राख्ने हो भने नेपालका सामुदायिक विद्यालयहरुको मुहार फेरिन समय नलाग्ने उहाँको भनाई छ । कार्यक्रममा अभिभावकहरुको उल्लेख्य मात्रामा सहभागिता रहेको थियो ।
