काभ्रे,रेडियो रोशी,
असोज दोस्रो साताको बाढीपहिरोबाट अति प्रभावित बनेको रोशी गाउँपालिकालाई तामाङ सोसाइटी अफ टेक्सास र नर्थ अमेरिकाले आर्थिक सहयोग प्रदान गरेको छ । आज काठमांडौको बौद्धमा एक कार्यक्रमका बिच सहयोग रकम हस्तान्तरण गरेका हुन् ।
डम्फु सेलो कार्यक्रम मार्फत गाउँपालिकालाई तामाङ सोसाइटी अफ टेक्सासबाट २ लाख ९१ हजार ६ सय ७० र तामाङ सोसाइटी अफ नर्थ अमेरिका बाट १ लाख १२ हजार २ सय गरि ४ लाख ३ हजार ८ सय ७० रुपैया नगद आर्थिक सहयोग प्राप्त भएको गाउँपालिका अध्यक्ष दिनेस लामाले रेडियो रोशीलाई जानकारी दिनुभयो । प्राप्त भएको रकम अस्थाई आवास निर्माण, बाढीपहिरोबाट प्रभावित, गरीब बिपन्न परिवारलाई तत्काल प्रदान गरिने उहाँले जानकारी दिनुभयो ।
गाउँपालिकाले विपद्को कारण भोगिरहेको कठिन परिस्थितिमा सहयोग प्रदान गर्ने तामाङ सोसाइटी अफ टेक्सास र नर्थ अमेरिका प्रति अध्यक्ष लामाले धन्यवाद ज्ञापन गर्नुभएको छ ।
असोज दोस्रो साता अबिरल बर्षासँगै आएको बाढी÷पहिरोमा परेर रोशी गाउँपालिकामा १२ जनाको मृत्यु भएकोे थियो भने धेरै जना घाइते भएका थिए । त्यसरी नै करोडौ मुल्य बराबरको पशुधन, कृषिक्षेत्र लगायत सरकारी तथा निजि भवनहरुको क्षति भएको थियो ।
कार्यक्रममा गाउँपालिकाको तर्फबाट अध्यक्ष दिनेस लामा, उपाध्यक्ष मिम बहादुर वाईबा (ज्वाला), प्रमुख प्रशासकीय अधिकृत शिब भन्तना, गाउँपालिकाका प्रवक्ता एवं वडा नं १२ वडा अध्यक्ष बसन्त कुमार तामाङ, तामाङ सोसाइटी अफ टेक्सासका महासचिव प्रविण तामाङ, पुर्व अध्यक्ष सुर्य मोक्तान, नर्थ अमेरिकाका फुलमाया तामाङ लगायतको सहभागिता रहेको थियो ।
