काभ्रे,
विपदका लागि बजेट व्यवस्थापन गर्न रोशी गाउँपालिकामा विशेष गाउँ सभा सम्पन्न भएकोे छ । आज गाउँपालिका अध्यक्ष दिनेश लामाको सभाध्यक्षतामा वाग्मती प्रदेशको गाउँ, नगर र जिल्ला सभा सञ्चालन कार्यविधि सम्बन्धि ऐन २०७५ को दफा ३ को उपदफा १ बमोजिम गाउँपालिकाको गाउँ सभाको विशेष अधिवेशन सञ्चालन गरीएको हो ।
१५औं अधिवेशनले विनियोजन गरेको योजनाहरू असोज दोस्रो साता आएको बाढी÷पहिरोको प्राथमिकरणमा केही फेरबदल गरीएको छ । फेरबदल भएका योजनाहरूलाई सम्बोधन गर्न आजको लागि गाउँ सभा बोलाइएको हो । अघिल्लो गाउँ सभाले आर्थिक वर्ष २०८१÷८२ को लागि ६९ करोड २० लाख ९८ हजार रुपैंया बजेट विनियोजन गरेको थियो, अहिले त्यसलाई घटाएर ६५ करोड ७७ लाख ९८ हजारमा पु¥याएईएको छ ।
गाउँपालिकाले २ करोड ८० लाखको विपद् व्यवस्थापन भनेर कोष निर्माण गरेको छ । जसमा गत आ.व.को नगद मौज्दात अल्याः रु. १ लाख ३५ हजार, गाउँसभाको पन्ध्रौं अधिवेशनवाट विनियोजित रुः ५० लाख, विपद पश्चात तहगत सरकार, व्यक्ति, संघसंस्थाहरुबाट प्राप्त रुः १ करोड ४८ लाख ५७ हजार, गाउँ सभाको विशेष अधिवेशनबाट विनियोजित रकम रुः ५० लाख र रोशी गाउँपालिका अन्तर्गत सेवारत कर्मचारी, जनप्रतिनिधि र शिक्षक कर्मचारीहरु लगायतबाट संकलित (सेवा सुविधाबाट कट्टी हुने) रकम रु. ३० लाख ०८ हजार (अनुमानित) रहेको छ । कोषमा भएको बजेट स्वास्थ्य, राहत वितरण, पुनर्निर्माण लगायतका विविध शीर्षकका लागि विनियोजन गरिएको छ ।
विपद्बाट प्रभावितहरुकोे अस्थायी आवास पुनर्निर्माणको तयारी गरिरहेको गाउँपालिकाका अध्यक्ष दिनेश लामाले बताउनुभयो ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले तोकेको परिवारमा ५ जना सदस्य भएकालाई १५ हजार र सोभन्दा बढि सदस्य भएका परिवारको लागि २० हजार रुपैयाँ उपलब्ध गराउनका लागि जिल्ला विपद् व्यवस्थापन समितिको समन्वयमा गाउँपालिकाले विश्व खाद्य कार्यक्रमसँग सम्झौता गरेर पालिकाका १ हजार ७७ जना प्रभावितलाई रकम उपलब्ध गराउने तयारी भइरहेको र यसको लागि तथ्याङ्क प्रमाणीकरण गर्ने कार्य भइरहेको उहाँको भनाई छ ।
असोज दोस्रो साता अबिरल बर्षासँगै आएको बाढी÷पहिरोमा परेर रोशी गाउँपालिकामा १२ जनाको मृत्यु भएकोे थियो भने धेरै जना घाइते भएका थिए । त्यसरी नै करोडौ मुल्य बराबरको पशुधन, कृषिक्षेत्र लगायत सरकारी तथा निजि भवनहरुको क्षति भएको छ ।
