काभ्रे,रेडियो रोशी,
असोज दोस्रो साताको बाढिपहिरोबाट अति प्रभावित रोशी गाउँपालिकामा बाढीपिडितको मानसिक तनाव न्यूनिकरण गर्न आध्यात्मिक ध्यानको आयोजना गरिने भएको छ । CRS नेपालको सहयोग, शान्ति जन आदर्श सेवा केन्द्रको साझेदारी एवं रोशी गाउँपालिकाको समन्वयमा रिलाईफ कार्यक्रम अन्तरर्गत भोलि मानसिक तनाव न्यूनिकरण गर्न आध्यात्मिक ध्यान गर्न लागिएको हो । “मन र समाजमा शान्तिका लागि आध्यात्मिक ध्यानको अभ्यास, नकारात्मक सोचको अन्त्य, सकारात्मक सोचको शुद्धिकरणका लागि हाम्रो प्रयास” भन्ने नाराका साथ भोलि बिहान ११ः३० बजे रोशी–११ स्थित श्री शान्ति बुद्ध आधारभूत बिद्यालय प्राङ्गणमा अन्तराष्ट्रिय शु–प्रशिद्ध सांगितिक तथा आध्यात्मिक व्यक्तित्व आनी छ्योईङ डोल्मा र प्रशिद्ध संगितकार, गायक तथा ध्यान साधक चन्द्र कुमार दोङबाट बाट प्रवचन हुने छ ।
असोज दोस्रो साताको बाढिपहिरोबाट रोशी गाउँपालिकामा बाढीपहिरोले १२ जनाको ज्यान लिएको थियो भने धेरै जना घाइते भएका थिए । करोडौँ मुल्य बराबरको कृषिक्षेत्र, पशुधन लगागतमा क्षति पुगेको थियो । त्यसरी नै डम्फू पार्क, १० शैय्याको अस्पताल, चिस्यान केन्द्रसहितको औद्योगिक ग्राम लगायत विभिन्न सरकारी गैरसरकारी भवन लगायतको क्षति भएको छ ।
