देबराज उप्रेती÷काभ्रे,
तेमाल गाउँपालिकाले गाउँपालिका भित्र कार्यक्षेत्र भएका सहकारी संस्थाहरुलाई विवरण उपलब्ध गराउन अनुरोध गरेको छ । गाउँपालिकाले आज एक सुचना जारी गर्दै विवरण उपलब्ध गराउन अनुरोध गरेको हो । गाउँपालिका भित्र कार्यक्षेत्र भएका सहकारी संस्थाहरुले
संस्था दर्ता प्रमाण पत्रको प्रतिलिपी, संस्थाको वार्षिक प्रतिवेदन तथा लेखापरीक्षण प्रतिवेदन साधारणसभाबाट पारित भएको, करचुक्ता प्रमाणपत्रको प्रतिलिपी, स्थायी लेखा नम्बर दर्ता प्रमाण पत्रको प्रतिलिपी, सञ्चालकको नाम तथा बाँकी कार्य अवधिको सूची, साधारणसभाको बैठकका निर्णयको प्रमाणित प्रतिलिपी गाउँपालिकाको सहकारी इकाईमा अनिवार्य विवरण उपलब्ध गराउँनुहुन अनुरोध छ ।
त्यसैगरी सहकारी संस्थाको शेयर सदस्य संख्या र शेयर पूँजी, संचालक वा सदस्यले लिएको ऋण तिर्न बाँकी रहेको रकम, सहकारी सञ्चालक समितिको निर्णय प्रतिलिपि एवं स्थानीय कर (भाडामा बसेको भए बहाल कर) गाउँपालिकाको सहकारी इकाईमा १५ (पन्ध्र) दिन भित्रमा अनिवार्य विवरण उपलब्ध गराउनुहुन अनुरोध गरीएको छ ।
