रेडियो रोशी,
रोशी गाउँपालिकाले सार्वजनिक सुनुवाई कार्यक्रम सम्पन्न गरेको छ । गाउँपालिकाले हिजो (सोमबार) गाउँपालिकाको सभाहलमा सुनुवाई कार्यक्रम सम्पन्न गरेको हो ।
ग्लोबल युटिलिटी रिसर्च यूनिट प्रा.लि.ले सहजिकरण गरेको सामाजिक परिक्षण तथा सार्वजनिक सुनुवाई कार्यक्रममा सहभागीहरूको जिज्ञासाको सम्बोधन जनप्रतिनिधिहरूको तर्फबाट गाउँपालिका अध्यक्ष दिनेश लामा र उपाध्यक्ष मिमबहादुर वाईबाले र कर्मचारीहरूको तर्फबाट प्रमुख प्रशासकीय अधिकृत रामबहादुर तामाङले गर्नुभएको थियो ।
कार्यक्रममा सहभागीहरूले सेवाप्रवाहको बिषयमा प्रश्न गरेका थिए । सहभागीहरूको प्रश्नको जवाफ दिदै गाउँपालिका अध्यक्ष लामाले गाउँपालिकाको सेवा प्रवाहमा भएको कमी कमजोरीहरूलाई सच्याउदै आगामी दिनमा रोशीको नागरिकलाई कसरी सहज रुपमा सेवा प्रवाहगर्न सकिन्छ भन्ने बिषयमा छलफल गरेर अगाडी बढ्ने बताउनुभयो । सहभागीहरूबाट सुझाव संकलन गरी आगामी दिनमा कार्यान्वयनकालागि सार्वजनिक सुनुवाईको आयोजना गरेको उँहाको भनाई छ ।
कार्यक्रममा वडाध्यक्षहरू, कार्यपालिका सदस्यहरू, गाउँपालिकाका शाखा प्रमुखहरू, सञ्चारकर्मीहरू एवम् स्थानीयहरूको उपस्थिती रहेको थियो ।
