काभ्रे,
रोशी गाउँपालिका वडा न ९ मंगलटारमा आमा समूह र स्वास्थकर्मीहरुलाई पूर्ण स्तनपान प्रवर्द्धनका लागि अभिमुखिकरण कार्यक्रम गरीएको छ ।आयुर्वेद तथा वैकल्पिक चिकित्सालय बनेपा काभ्रेको आयोजनामा आज आमा समूह र स्वास्थकर्मीहरुलाई अभिमुखिकरण गराईएको हो । पतन्जली अस्पतालका स्त्रीरोग विशेषज्ञ खुस्बु झाले महिला समुहका प्रतिनिधिहरुलाइ अभिमुखिकरण गराउनुभएको हो ।
तालिमको उद्घाटन गर्नुहुदै गाउँपालिका अध्यक्ष दिनेश लामाले आयुर्वेद तथा वैकल्पिक चिकित्सालय काभ्रेले रोशी गाउँपालिकालाई सहयोग गरिरहेकाले धन्यवाद व्यक्त गर्नुभयो । पछिल्लो समयमा आयुर्वेदको बिश्वास बिस्तारै बढिरहेको उँहाले धारणा राख्नुभयो ।
त्यसैगरी आयुर्वेद तथा वैकल्पिक चिकित्सालय बनेपा काभ्रेका वरिष्ठ वैद्य रुमा कुमारी झाले पछिल्लो समय स्तनपानमा समस्या आएको बताउनुभयो । विभिन्न वहानामा स्तनपान गर्न छोडेको उँहाको भनाइ छ ।
कार्यक्रममा रोशी–११ का वडाध्यक्ष लालकुमार पाख्रीन, गाउँपालिकाका प्रवक्ता तथा वडा न १२ का वडाध्यक्ष वसन्तकुमार लामा, मंगलटार स्वास्थ्य चौकी प्रमुख निशा बराल, मंगलटार आयुर्वेद औषधालयका प्रमुख सबिता गौतम लगायतको उपस्थिति रहेको थियो ।
