काभ्रे,रेडियो रोशी,
रोशी गाउँपालिकाको विभिन्न क्षेत्रमा सडक अवरुद्ध भएसँगै आवश्यक सतर्कता अपनाउन गाउँपालिका अध्यक्ष दिनेस लामाले अनुरोध गर्नुभएको छ । यो खबर तयार पार्दासम्म अविरल वर्षाले लेदो बगाएर रोशीका बिभिन्न ५ ठाउँमा सडक अवरुद्ध भएको छ । जिल्ला प्रहरी कार्यालय काभ्रेपलाञ्चोकका अनुसार रोशी गाउँपालिकाको वडा नम्बर ८ नार्के, चारसय बेसी, वडा नम्बर ९ मंगल जनविजय माध्यामिक विद्यालय अगाडि, वडा नम्बर ११ कालढुङगा र वडा नम्बर १२ माम्तिमा खहरेखोलाबाट लेदो आएर सडक अवरुद्ध भएको छ । अवरुद्ध सडक खुलाउने प्रयास भैरहेको जिल्ला प्रहरी कार्यालय काभ्रेपलाञ्चोकले जनाएको छ ।
सडक अवरुद्ध भएसँगै अध्यक्ष लामाले रोशी भेगका अधिकांश क्षेत्रमा विपद् जन्य जोखिम (जस्तैः बाढी, पहिरो) रहेकाले सचेत र सावधानी रहनुहुन पालिकाबासीहरुमा अनुरोध गर्नुभएको छ । सावधानी अपनाउँदा अपनाउँदै पनी विपद् आइपरेको अवस्थामा आफु स्वयम र उपाध्यक्ष मिम बहादुर वाइबा ज्वाला (९८५१२३८८२७), प्रमुख प्रशासकीय अधिकृत श्री राम बहादुर तामाङ (९८५१२०१९३७), इलाका प्रहरी कार्यालय, मंगलटार (९८५१२८५४१०) एवम् विपद् फोकल पर्सन श्री भुपेन्द्र अधिकारी (९८४१४२४२४२) मा तुरुन्तै जानकारी गराउनुहुँन आम रोशीबासी नागरिकहरुमा अध्यक्ष लामाले अनुरोध गर्नुभएको छ ।
