काभ्रे,रेडियो रोशी,
काभ्रे जिल्लाको तेमाल गाउँपालिका वडा न ३ सरमथलीले माध्यामिक शिक्षा परीक्षा (एसईई)–२०८० मा उत्तीर्ण भुमे माविका विद्यार्थीहरुलाई नगद पुरस्कार सहित सम्मान गरेको छ । विद्यालय व्यवस्थापन समितिका अध्यक्ष तथा ३ नम्बर वडाका वडा अध्यक्ष बिष्णु बहादुर तामाङले A र B± ग्रेड ल्याउने ५ जना विद्यार्थीलाई नगद पुरस्कार सहित सम्मान गर्नुभएको हो । भुमे मावि बाट एसईई परीक्षा–२०८० मा सहभागि एलिसा तामाङले A ग्रेड ल्याउनुभएको छ । उँहालाई वडा अध्यक्ष तामाङले नगद पचास हजार (.५०,०००) द्धारा सम्मान गर्नुभएको छ ।
त्यसैगरि B± ग्रेड ल्याउने ४ जना विद्यार्थीहरु सोयना पन्त, सुरज तामाङ, एलिना तामाङ र स्वस्तिका तामाङलाई जनहि पाँच हजार (५,०००) नगद पुरस्कार सहित सम्मान गरिएको छ । त्यसैगरि परीक्षामा B ग्रेड ल्याउने ३ जना विद्यार्थीहरु शिला तामाङ, शिव प्रसाद पन्त र सुस्मिता तामाङलाई सम्मानपत्रद्धारा सम्मान गरीएको छ । अध्यक्ष तामाङले उत्कृष्ट चार जना शिक्षकहरुलाई पनि सम्मानपत्रद्वारा सम्मान गर्नुभएको छ । वडा कार्यालयकै बजेटमा विद्यार्थीहरुलाई ३ महिनाको लागि होस्टेलको ब्यवस्थापन गरिएको छ ।
अध्यक्ष तामाङले यस बिद्यालयमा भएका कमि कमजोरी, उन्नति प्रगतिका साथै आउँदा दिनहरुमा भुमे मा.बि को शैक्षिक उन्नति तथा गुणस्तरिय शिक्षाको विषयमा शिक्षकशिक्षिका र अभिभावकहरुसँग छलफल गर्नुभएको छ । बिद्यालयबाट माध्यामिक शिक्षा परीक्षा (एसईई)–२०८० मा २१ जना विद्यार्थीहरु सहभागि भएका थिए ।
