काभ्रे,
रोशी गाउँपालिकाको आयोजामा समुदायमा आधारित समावेशी विकास सम्बन्धी दुइ दिने तालिम सुरु भएको छ । आज रोशी गाउँपालिकाको आयोजना, सिबीएम ग्लोबल नेपालको साझेदारी र स्रोत ब्यवस्थापन तथा ग्रामीण सशक्तिकरण केन्द्र (रिमरेक) को सहजिकरणमा भकुण्डेबेसीमा तालिम सुरु भएको हो । तालिम ‘सहकार्य परियोजना’ अन्तर्गत भएको हो । तालिमको सहजीकरण कानुन ब्यवसायी मुकुन्द दाहालले गर्नुहुनेछ ।
गाउँपालिकाका अध्यक्ष दिनेश लामाको अध्यक्षतामा सुरु भएको तालिममा उपाध्यक्ष मिम बहादुर वाईबा (ज्वाला), गाउँपालिका कार्यपालिका सदस्यहरू, रिमरेकका कार्यकारी निर्देशक गोकुल गौतम, गाउँपालिकाको विषयगत शाखा (शिक्षा, स्वास्थ्य र महिला, बालबालिका तथा ज्येष्ठ नागरिक शाखा) का प्रमुख एवं प्रतिनिधिको उपस्थिति रहेको थियो ।
तालिमको उद्घाटन सत्रमा बोल्नुहुदै पालिका अध्यक्ष दिनेस लामाले गाउँपालिकालाई अपांगता मैत्री बनाउन आवश्यक काम गर्ने प्रतिबद्धता जनाउनुभयो । गाउँपालिकाले सबै जातजातिसंगै वर्ग र समुदायका लागि समेत काम गर्ने उहाँको भनाई छ । रिमरेकले रोशी गाउँपालिका र नमोबुद्ध नगरपालिकामा ‘सहकार्य परियोजना’ सञ्चालित छ । आजबाट सुरु भएको तालिम तालिम भोली सकिनेछ ।
