काभ्रे,
देशका धेरै पालिकाहरुको वेबसाइटमा समस्या आएको छ । काठमाण्डौ महानगरपालिकासहित केही पालिकाको वेबसाइट चले पनि अरु धेरै पालिकाको वेबसाइटमा समस्या देखिएको हो । सङ्घीय मामिला तथा सामान्य प्रशासन मन्त्रालयका प्रवक्ता कालीप्रसाद पराजुलीले बर्दियाको बाँसगढी नगरपालिकाको वेबसाइटबाट छिरेर ह्याकरले अरु पालिकाका सूचना प्रणालीमा आक्रमण गरेको जानकारी दिनुभयो ।
आजसम्म समस्या समाधान हुने गरी काम भइरहेको बताईएको छ । समस्या रहेका वेबसाइटहरुमध्ये केहीमा ‘यस वेबसाइटको मर्मत कार्य जारी छ । हामी एकछिन पछि फर्कने छौँ,’भन्ने सूचना राखिएको छ भने कतिपय वेबसाइट भने सूचनाविना नै बन्द छ ।
