काभ्रे,
प्रधामन्त्री शेरबहादुर देउवा डडेलधुराबाट सातौं पटक संसदमा निर्वाचित हुनुभएको छ । उँहाका निकटतम प्रतिद्वन्द्वी स्वतन्त्र उमेद्वार सागर ढकालसँग साढे १२ हजार मतान्तरसहित देउवा भारि मतका साथ विजयी हुनुभएको हो । आज बुधबार कांग्रेस उम्मेदवार देउवा २५ हजार ५३४ मतसहित विजयी हुनुभएको हो । उँहाका निकटतम प्रतिद्वन्द्वी स्वतन्त्र उमेद्वार सागर ढकालले १३ हजार ४२ मत प्राप्त गर्नुभएको छ । डडेलधुराबाट देउवा २०४८ सालपछि लगातार संसदमा निर्वाचित हुँदै आउनुभएको छ ।
एक मात्रै प्रतिनिधिसभा क्षेत्र रहेको डडेलधुरामा यस पटक देउवालाई हराउन स्वतन्त्र उम्मेदवार सागर ढकाल र एमालेको साथ पाएका बीपी कांग्रेसका मल्ल असफल भएका छन् । २०७४ सालको प्रतिनिधिसभा सदस्य निर्वाचनमा डडेलधुराबाटै विजयी देउवा अहिले सातौं पटक विजयी हुनुभएको हो । उँहाको यो यात्रालाई ऐतिहासिक मानिएको छ।
