काभ्रे,
काभ्रेपलान्चोक जिल्ला बेथानचोक गाउँपालिका वडा नम्बर ६ का वडाअध्यक्ष बिष्णु तामाङ जनताका हरेक सुख दुःख का सारथि बन्नुभएको छ । स्थानीय तह सदस्य निर्वाचन २०७४ मा पहिलो पटक वडा अध्यक्ष बनेपछि जनभावना अनुसार काम गरेपछि २०७९ को स्थानीय निर्वाचनमा समेत तामाङ वडाअध्यक्षमा पुनः निर्वाचित हुनुभएको थियो । टोल टोलमा मोटरबाटोहरु खोल्ने सामुदायिक स्वास्थ इकाई स्थापना गर्ने र वडामा संचालित माद्यमिक विद्यालयमा १२ सम्म अध्यापन गराउन ब्यवस्थापन गर्ने लगायत जनभावना अनुरुप कार्यसम्पादन गरेका अध्यक्ष तामाङ भुग्देउमा जनताका सेवक रुपमा परिचीत रहनुभएको छ ।
अध्यक्ष तामाङले सामाजिक सुरक्षा भत्ता लिन गाउँपालिका केन्द्रको बैंकसम्म जान नसक्ने असहाय अशक्तहरुको लागि गाउँपालिका अध्यक्ष भगवान अधिकारीको समन्वय र ग्लोबल बैंक बेथानचोक शाखाको सहयोगमा बेथानचोक ६ भुग्देउका विभिन्न टोलहरुमा टोलमा बैंकका कर्मचारी पुराएर बैंक खाता खोल्ने देखि सामाजिक सुरक्षाभत्ता बितरण कार्य समेत गर्दै आउासभएको छ । जनभावना अनुसार काम गर्दै आएका वडाअध्यक्ष तामाङ जनताका मनमनमा बस्न सफल हुनुभएको छ ।
