काभ्रे,
काभ्रेपलाञ्चोक जिल्लाको नमोबुद्ध नगरपालिकाले बिभिन्न कार्यक्रमको आयोजना गर्दै आफ्नो नवौ बार्षिक उत्सब मनाएको छ । आज (शुक्रबार) जिल्ला समन्वयन समिति प्रमुख दिपक कुमार गौतमको प्रमुख आतिथ्यता एवं उपप्रमुख रिम बहादुर तामाङको बिशेष नमोबुद्धले नवौ बार्षिक उत्सब मनाएको हो । कार्यक्रमको अवसरमा ६० बर्ष माथिका २५ जना स्वास्थ्य स्वयमसेविकाहरुलाई उनिहरुको कार्यको कदर गर्दै २०,२० हजारको चेक सहित प्रमाणपत्रबाट सम्मान गरिएको छ । त्यसैगरि उत्कृष्ट करदाता सम्मान तथा काभ्रेपलाञ्चोक जिल्लालाई देशभर चिनाउन सफल वडा नं ७ का Supper dancer nepal winner सिद्धार्थ श्रेस्ठ सहित उनलाई नृत्य सिकाउने प्रसिक्षक र वडा नं ९ निवासि Miss national nepal 2022 winner अनिसा श्रेस्ठलाई खादा ओढाएर सम्मान गरिएको छ । अघिल्ला बर्षहरुको बार्षिक उत्सबको दिन नगरका सम्पुर्ण कार्यहरु प्रभावित एवं स्थगित भएपनि यो पालिको बार्षिक उत्सवमा भने नगरका कुनैपनि कार्यहरु प्रभावित भएका थिएनन् ।
कार्यक्रमलाई सम्बोधन गर्दै प्रमुख अतिथि जिल्ला समन्वयन समिति प्रमुख दिपक कुमार गौतमले नमोबुद्ध नगरको कर्मचारिहरुको कार्यहरुबाट आफु एकदमै प्रभावित भएको बताउनुभएको छ । नगरका सम्पुर्ण कर्मचारिहरुको लगनसिलताको प्रसंसा गर्नुभएको छ । उँहाले यस नगरभित्र अनगिन्ति ऐतिहासिक सम्पदाहरु रहेको बताउदै पर्यटकिय हिसाबले ससक्त बनाउनपर्ने कुरामा जोड दिनुभएको छ । त्यसैगरि नगरप्रमुख कुन्साङ लामाले नमोबुद्धलाई देसकै उत्कृस्ट नगर बनाउन हरक्षण लागिपर्ने बताउदै यसका लागि नगरवासिहरुको सहयोग आवस्यक पर्ने बताउनुभएको छ । कार्यक्रममा नगरपालिकाका निबर्तमा नगर प्रमुख एवं उपप्रमुख,नगरपालिकाका कर्मचारिहरु,वडा नं १ देखि ११ सम्मकै वडा अध्यक्ष तथा सदस्यहरु,कार्यपालिका सदस्यहरु तथा नगरवासिहरुको उल्लेख्य मात्रामा सहभागिता रहेको थियो । २०७१ साल मंसिर १६ गते स्थापना भएको नमोबुद्ध नगरपालिकाले नगरवासिहरुलाई छिटो,छरितो एवं सहज तरिबाट सेवा प्रदान गदै आईरहेको छ ।
