शुक्रबार जिसस काभ्रेले लैङ्गिक हिंसा विरुद्ध भब्य रुपमा जनचेतनामुलक कार्यक्रम आयोजना गर्दै

काभ्रे,
लैङ्गिक हिंसा विरुद्धको १६ दिने अभियानको अवसरमा जिसस काभ्रेले भब्य रुपमा जनचेतनामुलक कार्यक्रमको आयोजना गर्ने भएको छ । जिल्ला समन्वय समिति काभ्रेपलाञ्चोक र गैर सरकारी संस्था महासंघ नेपाल काभ्रेपलाञ्चोकको आयोजनामा शुक्रबार धुलिखेल रंगशालामा हुने जनचेतनामुलक कार्यक्रममा प्रसिद्ध समाजसेवी तथा माईति नेपालको संस्थापक अध्यक्ष अनुराधा कोईरालाको प्रमुख आतिथ्यता रहने बताईएको छ । कार्यक्रममा करिब बीस हजार नागरिकहरुको उपस्थिति रहने अनुमान गरिएको छ ।
साथै रास्ट्रिय ख्यातिप्राप्त कलाकारहरु (मनोज गजुरेल,पशुपति शर्मा,अस्मिता अधिकारि, बाल गायक सुप्रिम मल्ल तथा बाल गाईका आयुशा गौतम)को भब्य प्रस्तुति रहने बताईएको छ । कार्यक्रममा जिसस काभ्रेले उपस्थितका लागि सम्पुर्ण काभ्रे वासिहरुमा हार्दिक आमन्त्रण समेत गरेको छ ।