काभ्रे,
रोशी गाउँपालिका अध्यक्ष दिनेश लामाको अध्यक्षतामा आज छैठौ कार्यपालिका वैठक सम्पन्न भएको छ । वैठकमा गाउँपालिका बाट कार्यन्वयन हुने योजना तथा कार्यक्रमहरुको सम्झौताको अन्तिम मिति २०७९ पौष मसान्त सम्म कायम गर्ने निर्णय गरिएको छ । त्यसैगरी पालिकाभित्र रहेका जग्गाको वर्गीकरण गर्ने कार्य अधिकतम बजेट सीमा रु. १०,००००। (दशलाख) भित्र रहि प्रतिस्पर्धात्मक तरिकाबाट परामर्श सेवा (विज्ञ) मार्फत गर्ने निर्णय गरिएको छ ।
गाउँपालिकामा लगानी प्रवर्धन तथा दीर्घकालीन योजना निर्माणको लागि क्षेत्रगत (कृषि, पशु, पूर्वाधार, पर्यटन, वनतथावातावरण, शिक्षा, स्वास्थ्य, सूचनाप्रविधि, सुशासन, उद्योग, खानेपानी, सरसफाई) रुपमा योजना निर्माण गर्ने र गुरुयोजना निर्माण पश्चात् पौष महिनाको २० गतेदेखि २५ गते भित्र जनप्रतिनिधिहरु, विकास साझेदारहरु, गैरसरकारी संघ संस्थाहरु, क्षेत्रगत विज्ञहरु, विभिन्न लगानीकर्ताहरु, सरकारका विभिन्न तहहरु, कर्मचारीहरु, विभिन्न राजनीतिक दलको सहभागितामा वृहत सेमिनार आयोजना गर्ने निर्णय गरिएको गाउँपालिकाका सूचना अधिकृत प्रकाश पौडेलले जानकारी दिनुभयो ।
