बागमती प्रदेशभित्र रहेका क्रियाशील प्राविधिक पत्रकारहरुको लागि रेडियो प्राविधिक तालिम सम्पन्न

काभ्रे,

बागमती प्रदेशभित्र रहेका क्रियाशील प्राविधिक पत्रकारहरुको लागि सञ्चालन गरिएको चार दिने रेडियो प्राविधिक तालिम सम्पन्न भएको छ । सञ्चार रजिष्टारको कार्यालय बागमतीप्रदेश सरकारको आयोजनामा रामेछापमा सञ्चालित ४ दिने रेडियो प्राविधिक पत्रकारिता तालिम बिहिबार सम्पन्न भएको हो । तालिम यही मंसिर २६ गते सोमबारदेखि सुरु भएको भएको थियो । यो तालिम रेडियो लाई प्राविधिक रुपमा सुव्यवस्थित ढंगले सञ्चालन गर्नको लागि सहयोग पु¥याउने उद्देश्यले सञ्चालन गरिएको आयोजकले जनाएको छ ।
तालिममा सहभागी रेडियो प्राविधिकहरुलाई रेडियो क्षेत्रमा भित्रिएका नवीन प्रविधिबारे जानकारी गराइनुको साथै रेडियोमा प्रयोग हुने सामानहरु ट्रान्समिटर, मिक्सचर, माइक्रोफोन, अर्थिङ, टावर, कम्युटर लगायतका सामाग्रीहरुको सुरक्षित र उचित प्रयोगबारे जानकारी गराइएको थियो । यस्तै, रेडियो दर्ता, नवीकरण, लाइसेन्स प्राप्ति लगायतका कानूनी कुराहरुको समेत जानकारी गराइएको थियो । तालिममा बागमती प्रदेश अन्तर्गत रामेछाप, काठमाडौँ, सिन्धुली, काभ्रेपलाञ्चोक र सिन्धुपाल्चोक लगायतका जिल्लाबाट ३० जना रेडियो प्राविधिकहरुको सहभागिता थियो ।प्रशिक्षकहरु बागमती प्रदेश सञ्चार रजिष्टार कार्यालयका इञ्जिनियर रोशन कोइराला, नेपाल बानका अध्यक्ष कुमार भट्टराई रसुबोध नेपाल हुनुहुन्थ्यो ।
तालिममा सहभागीहरुले भने आफूहरुको लागि यो तालिम निकै फलदायी भएको बताएका छन् । रेडियो प्राविधिकको क्षेत्रमा लामो समय काम गरेपनि रेडियोमा प्रयोग हुने सामाग्रीहरुको प्रयोगबारे आफूहरुलाई केही थाहा नभएको बताउँदै सहभागीहरुले यो तालिमबाट आफूहरुले धेरै कुरा बुझ्ने अवसर पाएको बताएका थिए । यस्तो, तालिम आगामी दिनहरुमा पनि सञ्चालन गर्नुपर्ने उनीहरुको भनाइ थियो । तालिममा सहभागीहरुलाई तालिम समापन सत्रकाप्रमुखअतिथि रामेछाप ‘ख’ बाट निर्वाचितबागमतीप्रदेश सांसद युवराजचौलागाई र सञ्चार रजिष्टार कार्यालय बागमतीप्रदेशका सञ्चार रजिष्टार रेवती सापकोटाले प्रमाण पत्रप्रदानगर्नु भएको थियो ।
प्रदेश सांसद युवराजचौलागाईले जिल्लाका रेडियोमा देखिएका समस्या समाधानकालागिसक्दो सहयोग गर्ने प्रतिबद्धता जनाउनु भएको छ । प्रदेश सांसद चौलागाईले आमसञ्चारको क्षेत्रमा धेरै कामगर्न बाँकी रहेको भन्दै जिल्लाका रेडियोमा देखिएकासमाधानकालागिआवश्यक छलफल गरी उचितनीतिनिर्माणका लागि समेत आफू तयार रहेको बताउनुभयो । रेडियो अन्य सञ्चार माध्यमभन्दा फरक रहेको बताउँदै उहाँले कामगर्दागर्दै सुन्न सकिने, नियमित सम्पर्कमा रहन सकिने भएकोले यसबाट सुुसूचितहुने जनताको अधिकारलाई सुुनिश्चितगर्नको आवश्यनीतिनिर्माणकोलागिआफू तयार रहेको बताउनुभयो ।
यस्तै, सञ्चार रजिष्टार कार्यालय बागमतीप्रदेशका सञ्चार रजिष्टार रेवती सापकोटाले माग र आवश्यक्ताकाआधारमा यस्ता तालिमहरु सञ्चालनगरिने बताउनुभयो । बागमतीप्रदेशभित्रअहिले ७० प्रतिशत सञ्चार माध्यमहरु रहेको बताउँदै सञ्चार रजिष्टार सापकोटाले प्रदेश सरकारले पनि सहयोग गर्नुपर्ने बताउनुभयो । बागमतीप्रदेश अन्तर्गतका रेडियोलाई स्मार्ट बनाउनप्रदेश सरकारले पनि सहयोग गर्नुपर्ने उहाँले बताउनुभयो ।