काभ्रे,
सिन्धुपाल्चोक जिल्लामै पहीलोपटक ईन्द्रावती गाँउपालिकाले स्थानिय पाठ्यपुस्तक वितरण गरेको छ । हिजो एक कार्यक्रम गरी पालिकाभित्र रहेका ४२ वटै विद्यालका कक्षा १ देखी ८ सम्मको पाठ्यपुस्तक वितरण गरीएको हो ।
कार्यक्रमका प्रमुख अतिथी तथा गाँउपालिका अध्यक्ष झम्कनाथ नेपालले गाँउपालीकाले ड्राफ्ट गरेको पाठ्यपुस्तक बिद्यार्थीसम्म लैजाने अवसर पाएकोमा खुसि व्यक्त गर्नुभयो । कक्षा १ देखि ८ सम्म पाठ्यक्रममा आधारीत पाठ्यपुस्तक सिंगो गाँउपालिकाको ऐना भएको उहाँले बताउनुभयो ।
आम समृद्धिका लागि शैक्षिक समृद्धि प्राप्त गर्न पालिकाको एक तिहाई बजेट खर्च गरीरहेको पनि अध्यक्ष नेपालले बताउनुभयो ।
कार्यक्रममा गाँउपालिकाका प्रमुख प्रसासकीय अधिकृत पुर्णप्रसाद दुलालले गाँउपालिका शिक्षा क्षेत्रमा एक पाईला अधि बढ्न सफल भएको बताउनुभयो । यस्तै कार्यक्रममा बोल्दै गाँउपालिकाका प्रवक्ता तथा वडा नम्बर ५ का अध्यक्ष शशिनाथ आचार्यले विभिन्न धर्म जातजाति तथा मौलिक संस्कृतिको जगेर्ना गर्न यो पाठ्यपुस्तक महत्त्वपूर्ण हुने बताउनुभयो ।
कार्यक्रमको अवसरमा बोल्दै न्यायीक समिति सदस्य तथा वडा नम्बर ४ का अध्यक्ष क्षेत्र बहादुर तामाङले बिमोचन भएका पाठ्यपुस्तक विद्यालयमा जांदा भएगरेका कमि कमजोरी आगामि दिनमा सुधार गर्दै लानुपर्नेमा जोड दीनुभएको छ । यस्तै प्रधानाध्यापकहरुको नेतृत्व गर्दै शिम्पालेश्वरी माविका नवराज खरेलले तीन बर्ष अधिबाट सुरू भएको अभियान पुरा भएको बताउनुभयो ।
कार्यक्रमका सभापति तथा ईन्द्रावती गाँउपालीकाका शिक्षा, युवा तथा खेलकुद शाखा प्रमुख मिन बहादुर धामिले गाँउपालीकाको भौगोलिक, प्राकृतिक, धार्मिक, र सांस्कृतिक विषय समेटिएको पाठ्यपुस्तक सार्वजनीक गरीएको बताउनुभयो ।
