काभ्रे,
रोशी गाउँपालिकाको सामाजिक सुरक्षा भत्ता दोस्रो किस्ता रकम यहि मिति २०७९ माघ १५ गतेबाट वितरण हुने भएको छ । सिद्धार्थ बैंक रोशीमा सम्बन्धित लाभग्राहीले खोल्नुभएको खातामा जम्मा गरि सकिएको प्रमुख प्रशासकिय अधिकृत राम बहादुर तामाङले जानकारी दिनुभयो । सम्बन्धित वडाको लागि रोशीको वडा नम्बर ९ को माघ १५ गते ९ नम्बर वडा कार्यालय मंगलटारमा, वडा नम्बर ७ र ८ को माघ १६ गते सिद्धार्थ बैंक रोशीमा , वडा नम्बर १० र ११ को माघ १७ गते ९ नम्बर वडा कार्यालय मंगलटारमा, वडा नम्बर ४ र ५ को माघ १८ गते सिद्धार्थ बैंक रोशीमा, वडा नम्बर ६ को माघ १९ गते सिद्धार्थ बैंक रोशीमा, वडा नम्बर १२ को माघ २० गते १२ नम्बर वडा कार्यालय शिखरपुरमा, वडा नम्बर ९ र १० को लाभग्राहीले तोकेको मेन्डेटहरु माघ २२ गते सिद्धार्थ बैंक रोशीमा, वडा नम्बर ११ र १२ को लाभग्राहीले तोकेको मेन्डेटहरु माघ २३ गते सिद्धार्थ बैंक रोशीमा, वडा नम्बर १ को माघ २४ गते फलामेसाँघु प्रहरी चौकीमा, वडा नम्बर २ को माघ २५ गते २ नम्बर वडा कार्यालयमा, वडा नम्बर ३ को माघ २६ गते ३ नम्बर वडा कार्यालयमा, वडा नम्बर १,२,३ को लाभग्राहीले तोकेको मेन्डेटहरुले माघ २७ गते सिद्धार्थ बैंक रोशीमा उपस्थित भई निकाल्न सक्नुहुनेछ ।
उक्त तोकिएको दिनहरुमा लाभग्राही स्वयम उपस्थित भएको अवस्थामा नागरिकता र सामाजिक सुरक्षा कार्ड सक्कल र फोटोकपी, अशक्त रातो कार्ड भएको लाभग्राहीले तोको मेन्डेटले भत्ता रकम निकाल्नुपरेमा लाभग्राहीको नागरिकता र सामाजिक सुरक्षा कार्ड सक्कल र फोटोकपीको साथै वडा कार्यालयको सिफारिस ल्याउनको निम्ति अनुरोध गरेको प्रमुख प्रशासकिय अधिकृत राम बहादुर तामाङले जानकारी दिनुभयो ।
