रोशी सहकर्मी–फागुन ४,
२०७६,काभ्रे/

सञ्चार तथा सूचना प्रविधि मन्त्री गोकुलप्रसाद बाँस्कोटाले निर्माण व्यवसायीले तोकेको समयमा काम नगरे कडा कारवाही गर्ने चेतावनी दिएका छन् । बनेपा नगरपालिका वडा न ३ को भवन शिलान्यास कार्यक्रममा बोल्दैँ मन्त्री बाँस्कोटाले निर्माण व्यवसायीलाई सरकारले प्रोत्साहन र दण्डको नीति लिएकाले तोकेको समय मै काम गर्न अनुरोध गरे ।
विकास निर्माणका काम समय अगावै सरकारलाई बुझाउनुभयो भने सरकारले कुल रकमको १० प्रतिशत प्रोत्साहन रकम दिने नीति लिएको छ । यदी समय मै काम नगरिकन भाग्नुभयो वा अलपत्र पार्नुभयो भने तपाईको तीन पुस्ते ल्याएर कारवाही गर्ने छौँ । समय मै विकास निर्माणको खर्च गरिदिन आग्रह गरे ।
शहरी विकास मन्त्री समेत रहनुभएको बाँस्कोटाले सरकारको जति सुकै आलोचना गरेपनि केही फरक नपर्ने बताए । हामीले बोलेका कुरा पूरा गर्दै गएका छौँ, आलोचकले आलोचना गर्दै जान्छ, हामी काम गर्दै जाने छौँ । उक्त वडा भवन ७० लाखमा बन्न लागेको बनेपा नगरपालिकाले जनाएको छ । कार्यक्रममा बाग्मती प्रदेश सांसद बसुन्धरा हुमागाई, नगरप्रमुख लक्ष्मीनरसिंह बादे, वडा अध्यक्ष कृष्णप्रसाद दाहाल लगायतले मन्तव्य राखेका थिए ।

Facebook Comments Box