रोशी सहकर्मी–फागुन ४,
२०७६,काभ्रे/

प्रतिवन्धित नेत्रविक्रम चन्द विपलव समूहका सिन्धुपाल्चोक जिल्ला सेक्रेटरी भुवन सिंह तामाङलाई प्रहरीले पक्राउ गरेका छ । जिल्ला प्रहरी कार्यालय धुलिखेलको गस्ती टोलीले धुलिखेल नगरपालिका–७ सरस्वती बजारबाट शुक्रबार बेलुका उनलाई पक्राउ गरेको हो । सरस्वती बजारमा होहल्ला गरी स्थानीय बासिन्दालाई असर पर्ने गरी अपशब्द प्रयोग गर्दै गरेको अवस्थामा फेला पारेको तामाङलाई टोलीले सोधपुछ गर्दा उल्टै गस्तीमा खटिएका प्रहरीमाथि अभद्र ब्यवहार गरेपछि पक्राउ प्रहरीले जनाएको छ ।

तामाङ चन्द समूहका जिल्ला सेक्रेटरी भएको प्रारम्भिक अनुसन्धानबाट खुलेको प्रहरीले जनाएके छ । मेलम्ची नगरपालिका–९ का तामाङलाई अभद्र ब्यवहारअन्तर्गत कारवाही हुने जिल्ला प्रहरी कार्यालय काभ्रेपलाञ्चोकका प्रहरी प्रमुख रविकुमार पौडेलले बताए ।

Facebook Comments