रोशी सहकर्मी–फागुन ४,
२०७६,नारायणस्थान/

जिल्लाको मनकामना बचत तथा ऋण सहकारी संस्था लिमिटेड बनेपाले तेमाल गाँउपालिका भित्रका विभिन्न बिध्यलयमा अध्ययनरत छात्राहरुलाई छात्रवृत्ति वितरण तथा सदस्यता अभिवृद्धि कार्यक्रम सम्पन्न गरेको छ । सहकारीले शनिबार नारायणस्थान माध्यमिक विद्यालयमा एक कार्यक्रम गर्दै ४ जना गरीब तथा जेहेनदार बिद्यार्थीहरुलाई नगद रु २५ सय सहित स्टेसनरी सामग्री वितरण गरेको हो । जसमा पञ्चकन्या माध्यमिक विद्यालयको कक्षा ९ मा अध्यनरत सलीना तामाङ, नारायण स्थान माध्यमिक विद्यालयको कक्षा ८ मा अध्यनरत रीचा तामाङ, कक्षा ९ मा अध्यनरत सविना सुनुवार, सर्वोद्धार माध्यमिक विद्यालको कक्षा ६ मा अध्यनरत सुस्मीता तामाङलाई छात्रावृत्ति प्रदान गरिएको संचालक सदस्य शम्भु प्रसाद घिमिरेले जानकारी दिए ।
घिमिरेका अनुसार तेमालमा संस्थाको सवा केन्द्र खोल्ने लक्ष्य रहेको छ । साथै आगामी दिनहरुमा तेमाल भित्र अध्यनरत उत्कृष्ट एवं जेहेनदार विद्यार्थिहरुलाई छात्रवृति र शैक्षिक सामग्रीहरु उपलब्ध गराउने संस्थाको लक्ष्य छ ।
संस्थाका अध्यक्ष बल कृष्ण दाहालको सभापतित्व रहेको कार्यक्रमका प्रमुख अतिथि तेमाल गाँउपालिकाका अध्यक्ष सलाम सिं तामाङ, बिशेष अतिथि उपाध्यक्ष दुर्गा माया तामाङ, नेपाल शिक्षक संघ बागमती प्रदेशका अध्यक्ष नारायण तिमल्सिना, अतिथिहरुमा प्रवक्ता एवं वडा नं ७ का अध्यक्ष ज्ञान बहादुर तामाङ, विभिन्न वडाका अध्यक्षहरु, शिक्षक, विद्यार्थी, संस्थाका कर्मचारीहरुको सहभागिता रहेको थियो ।

Facebook Comments