आयुर्वेद सेवा सम्बन्धि स्वास्थ्य स्वयंसेविकाहरुलाई सचेतना कार्यक्रम सम्पन्न

काभ्रे
“मेरो स्वास्थ्य मेरो जिम्मेवारी” भन्ने मूल नाराका साथमा आज रोशी गाउँपालिकाको सभाहलमा महिला सामुदायिक स्वास्थ्य स्वयंसेविकाहरुलाई आयुर्वेद सम्बन्धि सचेतना कार्यक्रम सम्पन्न भएको छ ।
जिल्ला आयुर्वेद स्वास्थ्य केन्द्र विकास समितिको अध्यक्ष प्रकाश कायस्थको अध्यक्षता, रोशी गाउँपालिकाको अध्यक्ष दिनेश लामाको प्रमुख आतिथ्यतामा कार्यक्रम सम्पन्न भएको हो । कार्यत्रममा जिल्ला स्वास्थ्य आयुर्वेद केन्द्र बनेपाका प्रमुख डा. वसम्बदा कौडिन्य यानी तथा रोशी गाउँपालिकाको स्वास्थ्य शाखाका प्रमुख गगांलाल श्रेष्ठको उपस्थितिमा जडिबुटिको उपयोगिता सम्बन्धि रमेश पनेरुले सहजीकरण गरिएको थियो । त्यसैगरी आयुर्वेद योगासान सम्बन्धि रुमा झाले र मंगलटार आयुर्वेद औषधालयबाट उपलब्ध हुने सुविधाबारे जानकारी सहित उक्त शाखा प्रमुख सविता गौतमले सहजिकरण गरिएको हो । कार्यक्रममा रोशी गाउँपालिकाको प्रमुख प्रशासकिय अधिकृत राम बहादुर तामाङ, प्रवक्ता वसन्त तामाङ, वडा नम्बर ७ का वडा अध्यक्ष अशोक गौतम लगायत रोशी गाउँपालिकाको १८ जना महिला स्वयम सेविकाहरुको उपस्थिति रहेको आयुर्वेद शाखाका प्रमुख सविता गौतमले जानकारी दिनुभयो ।