काभ्रे,रेडियो रोशी,
रोशी गाउँपालिका वडा नं. ३ का किसानहरूलाई तरकारीको बीउ र मिनिकिट वितरण गरीने भएको छ । गाउँपालिकाको नीति तथा कार्यक्रम र बजेटको किताबमा ब्यवस्था भएबमोजिम र वडा समितिको निर्णय अनुसार आ.व २०८२÷८३ मा कृषि कार्यक्रम अन्तर्गत किसानहरूलाई तरकारीको बीउ र मिनिकिट वितरण गर्न लागिएको हो ।
भोलि बिहान १०ः३० बजेदेखि वडा कार्यालय, शिखर आम्बोटेमा तरकारीको बीउहरु रायो, प्याज, मूला र धनियाँको बीउ तथा मिनिकिट वितरण गरीने वडा कार्यालयले जारी गरेको सुचनामा भनिएको छ । यसका लागि किसानहरूले आफ्नो मोबाइल नम्बरसहित आफैँ उपस्थित हुनपर्ने जनाईएको छ ।
