रोशी सहकर्मी–फागुन ४,
२०७६,काभ्रे/

७० औँ प्रजातन्त्र दिवस विविध कार्यक्रमका साथ तीन दिन मनाइने भएको छ । फागुन ६, ७ र ८ गते विविधि कार्यक्रमका साथ मनाउने भएको हो । जिल्ला समन्वय समितिका प्रमुख उद्धव केसीको संयोजकत्वमा प्रजातन्त्र दिवस मुलसमारोह समिति बनाइएको छ ।
समितिले फागुन ६ गते विहान ८ बजे धुलिखेलको सरस्वती बजारमा प्रभातफेरी गर्ने, ७ गते धुलिखेल अस्पतालमा भर्ना भएका बिरामीलाई फलफूल वितरण गर्ने जनाएको छ । समितिले तीन दिन नै साँझ सबै सरकारी कार्यालय, स्थानीय बासिन्दा तथा घर कार्यालयमा दीपावली गर्न अनुरोध गर्ने निर्णय गरेको छ । जिल्लामा रहेका १३ वटै स्थानीय तहलाई प्रजातन्त्र दिवस मनाउन पत्रचार गर्ने निर्णय समेत भएको प्रमुख जिल्ला अधिकारी श्रवणकुमार तिमल्सिनाले जानकारी दिनुभयो ।

Facebook Comments